Sunday, July 25, 2021
Homeमहाराष्ट्रअमोल मिटकरी यांनी पुन्हा पडळकरांना डिवचलं; घणाघाती शब्दांत केली टीका - ncp...

अमोल मिटकरी यांनी पुन्हा पडळकरांना डिवचलं; घणाघाती शब्दांत केली टीका – ncp amol mitkari criticizes bjp mlc gopichand padalkar


हायलाइट्स:

  • राष्ट्रवादीचा गोपीचंद पडळकर यांच्यावर पलटवार
  • अमोल मिटकरींनी केली खरमरीत टीका
  • पुन्हा वाद चिघळण्याची शक्यता

अकोला :भाजप आमदार गोपीचंद पडळकर यांच्या समर्थकांनी राष्ट्रवादी काँग्रेसच्या सोलापुरातील कार्यालयावर दगडफेक केल्यानंतर आता राष्ट्रवादीनेही आक्रमक भूमिका घेतली आहे. राष्ट्रवादीचे आमदार अमोल मिटकरी यांनी पडळकर यांच्यावर विखारी टीका (NCP Amol Mitkari Hits Back To Gopichand Padalkar) केली आहे.

‘पडळकर यांच्या गाडीवर झालेली दगडफेक हा त्यांनीच घडवून आणलेला पब्लिसिटी स्टंट आहे. ही व्यक्ती अतिशय पिसाळलेली आहे आणि येणाऱ्या काळात भारतीय जनता पार्टीसाठी ही धोक्याची घंटा ठरणार आहे,’ अशा शब्दांत अमोल मिटकरी यांनी गोपीचंद पडळकरांवर निशाणा साधला आहे.

अमोल मिटकरी यांनी पुन्हा पडळकरांना डिवचलं; घणाघाती शब्दांत केली टीका - ncp amol mitkari criticizes bjp mlc gopichand padalkarबँक घोटाळा : अजित पवारांच्या नातेवाईकांचा कारखाना ईडीकडून जप्त

गोपीचंद पडळकर हे राज्यातील विविध शहरांमध्ये सध्या घोंगडी बैठका घेत आहेत. यावेळी सोलापूर शहरातील मड्डी वस्ती परिसरातील एसबीआय कॉलनी येथे ते बैठकीला आले असताना त्यांच्या गाडीवर एक दगड भिरकावण्यात आला. त्यात गाडीची समोरची काच फुटली. ‘हा हल्ला राष्ट्रवादी काँग्रेसच्या लोकांनीच केला असून प्रस्थापितांचा बहुजनांवर हल्ला आहे,’ असं पडळकर या घटनेवर बोलताना म्हणाले होते. यावर आता राष्ट्रवादीकडून अमोल मिटकरी यांनी प्रत्युत्तर दिलं आहे.

‘तो व्यक्ती महापुरुषांबद्दल खासगीमध्ये एकेरी भाषेमध्ये बोलतो, तसंच मुंडे साहेबांच्या मृत्यूची बातमी कानावर आल्यानंतर दरेगावच्या शासकीय विश्रामगृहात आनंद व्यक्त करतो,’ असा घणाघाती आरोपही मिटकरी यांनी गोपीचंद पडळकर यांच्यावर केला आहे.

‘गोपीचंद पडळकर हे घेत असलेल्या घोंगडी बैठका अयशस्वी होत आहेत. त्यामुळे या बैठका पुन्हा चर्चेत याव्यात यासाठीच पडळकर स्टंटबाजी करत आहेत. राष्ट्रवादीच्या कार्यालयावर झालेल्या दगडफेकीला योग्य वेळी उत्तर देण्यात येईल,’ असा इशाराही अमोल मिटकरी यांनी दिला आहे.



Source link

अमोल मिटकरी यांनी पुन्हा पडळकरांना डिवचलं; घणाघाती शब्दांत केली टीका - ncp amol mitkari criticizes bjp mlc gopichand padalkar
Shasannama Newshttps://shasannama.in
Shasannama is the digital wing of the Shasannama News - Maharashtra leading media and communications group with its interests spanning across Print, Activations, Radio and Digital. Shasannama.com is the News and Current Affairs portal of the company, covering news from the states of Maharashtra
RELATED ARTICLES

LEAVE A REPLY

Please enter your comment!
Please enter your name here

Most Popular

Recent News