संजय राऊत यांच्यावर बरसले गोपीचंद पडळकर; गंभीर आरोपही केला! – bjp gopichand padalkar criticizes shivsena leader and mp sanjay raut updates

0
50


हायलाइट्स:

  • पडळकरांची संजय राऊतांवर विखारी टीका
  • सामना अग्रलेखावरून केला गंभीर आरोप
  • धनगर आरक्षण प्रश्नाबाबतही दिलं उत्तर

मुंबई : भाजप आमदार गोपीचंद पडळकर यांनी शिवसेना नेते आणि खासदार संजय राऊत यांच्यावर जोरदार हल्लाबोल (BJP Gopichand Padalkar Criticizes Shivsena Leader Sanjay Raut) केला आहे. संजय राऊत म्हणजे बिनबुडाचा लोटा असून ते शिवसेनेचं खातात, मात्र पवारांना जागतात, अशी विखारी टीका पडळकर यांनी केली आहे.

‘बिनबुडाचा लोटा संजय राऊत खातो सेनेची व जागतो पवारांना…अशा भाटाची धनगर समाजाला आवश्यकता नाही. धनगरांसाठीच्या योजनेतील १ हजार कोटी सुद्धा तुझ्या मालकाने अडवून ठेवले आहेत,’ असा आरोप गोपीचंद पडळकर यांनी केला.

संजय राऊत यांच्यावर बरसले गोपीचंद पडळकर; गंभीर आरोपही केला! - bjp gopichand padalkar criticizes shivsena leader and mp sanjay raut updatesOBC Reservation: ओबीसी राजकीय आरक्षणावरून जयंत पाटील यांचा फडणवीसांवर निशाणा, म्हणाले…

अजित पवारांवर कुरघोडी करण्याचा शरद पवारांचा प्रयत्न असल्याचा आरोप

गोपीचंद पडळकर हे अनेकदा पवार कुटुंबावर निशाणा साधत असल्याचं दिसतं. आता पुन्हा एकदा त्यांनी शरद पवारांवर निशाणा साधला आहे. तसंच शरद पवारांच्या सांगण्यावरून संजय राऊत हे अजित पवारांना अडचणीत आणण्याचा प्रयत्न करत आहेत, असा दावाही पडळकर यांनी केला आहे.

‘काकांच्या सांगण्यावरून अग्रलेखात अविनाश भोसले हे किती अजित पवारांच्या जवळचे आहेत हे सांगतोय आणि पुतण्याच्या मागे फटाके लावायचे काम करतोय,’ अशी जहरी टीका गोपीचंद पडळकर यांनी केली आहे.

दरम्यान, संजय राऊत हे आपल्या आक्रमक शैलीसाठी ओळखले जातात. मात्र भाजपच्या गोपीचंद पडळकर यांनी खरमरीत शब्दांत टीका करत राऊत यांना आव्हान दिलं आहे. त्यामुळे आगामी काळात पडळकर यांच्या या टीकेला संजय राऊत कसं उत्तर देतात, हे पाहणं महत्त्वाचं ठरणार आहे.



Source link