1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

0
17


मुलांच संगोपन, त्यांचा आहार, त्यांची देखभाल करण्यामध्येच पालकांचा दिवस निघून जातो. लहान मुल घरात आलं की पालक त्याच्या भोवतीच रमतात. मुलांचं संगोपन करत असताना ती वर्षाची कधी होतात हे आई-वडिलांना कळत सुद्धा नाही. वाढत्या वयानुसार मुलांना कोणते खाद्यपदार्थ खायला द्यावेत, कोणत्या पदार्थांमुळे मुलांच शरीर निरोगी राहील, तसेच शारीरिक वाढ कशी होईल असे अनेक प्रश्न पालकांच्या मनात असतात. मुलांच्या शारीरिक विकासासाठी मुलांच्या शरीराला पोषक तत्त्वांचा पुरवठा होणं गरजेचं असतं.

याकडे लक्ष देत पालकांनी आपल्या मुलांच्या आहारामध्ये बदल केले पाहिजे. एक वर्ष म्हणजेच मुलं १२ महिन्यांची झाल्यानंतर त्यांच्या शरीराला पोषक तत्त्वांचा पुरवठा होईल असेच खाद्यपदार्थ त्यांना दिले पाहिजेत. यामुळे मुलांची शारीरिक वाढ चांगल्या पद्धतीने होते. म्हणनूच आम्ही तुम्हाला एक वर्षाच्या मुलांचं आठवड्याभराचं डाएट काय असलं पाहिजे हे सांगणार आहोत.

सोमवारी काय द्यावं?

1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

मुलांच्या डाएटची सुरुवात सोमवारपासून करुया. सोमवारी सकाळच्या नाश्तासाठी मुलांना भाज्यांपासून तयार केलेला उपमा आणि दूध द्या. त्यानंतर स्नॅक्ससाठी अर्ध उकडलेलं अंड आणि एक छोटं केळ द्या. दुपारी जेवणासाठी देखील पौष्टिक खाद्यपदार्थाच द्या. ज्वारी किंवा गव्हाची चपाती तसेच छोले अथवा पालकची भाजी दुपारच्या जेवणामध्ये मुलांना द्या. त्यानंतर संध्याकाळी नाश्तासाठी पनीर आणि खजूराचे लाडू द्या. त्यानंतर रात्री जेवणामध्ये पालक खिचडी आणि दही मुलांना भरवा.

(‘या’ बेबी फूडमुळे झटपट वाढेल मुलांची उंची व वजन, पोटांचे विकारही मिनिटांमध्ये होतील दूर)

​मंगळवारचं डाएट

1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

या दिवशी सकाळच्या नाश्तासाठी नाचणीपासून तयार करण्यात आलेला डोसा आणि दूध मुलांना द्या. त्यानंतर जर मुलांना मध्येच भूक लागत असेल तर अंड्याची अर्धी पोळी आणि संत्र्याच्या काही फोडी द्या. दुपारच्या जेवणामध्ये देखील हेल्दी खाद्यपदार्थांचा समावेश असणं गरजेचं आहे. म्हणून दुपारच्या जेवणात मिक्स धान्यांपासून तयार करण्यात आलेली भाकरी, डाळ, भाजी, थोडं उकडलेलं बीट मुलांना द्या. गरज वाटल्यास तुम्ही भात देखील मुलांना भरवू शकता. संध्याकाळी मुलांभा भूक लागत असेल तर छोटी इडली आणि डाळ द्या. तसेच रात्री जेवणासाठी मेथीचा थेपला मुलांसाठी उत्तम पर्याय आहे.

(नवव्या महिन्यात ‘हा’ घरगुती पदार्थ खाल्ल्याने होते नॉर्मल डिलिव्हरी? ट्राय करण्यापूर्वी जाणून घ्या तज्ज्ञांचं मत)

​बुधवारी मुलांनी काय खावं?

1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

मुलांना काय खाद्यपदार्थ द्यावेत हा पालकांपुढे मोठा प्रश्न असतो. काही मोजकेच पदार्थ खाऊन मुल कंटाळत असतील तर तुम्ही त्यांना वेगवेगळे हेल्दी खाद्यपदार्थ भरवू शकता. बुधवारी नाश्तासाठी मुलांना सफरचंदाची खीर आणि गाजर पराठा द्या. काही वेळानंतर अर्ध उकडलेलं अंड द्या. दुपारच्या जेवणामध्ये चपाती, डाळ, भाजी, काकडीचे काही तुकडे मुलांना भरवा. संध्याकाळी मुलांना काही खावं वाटलं तर मिक्स धान्यापासून तयार करण्यात येणारी पोळी भरवा. तसेच रात्री जेवणासाठी पराठा आणि पनीर भरवा.

(प्रेग्नेंसीनंतर वेट लॉसदरम्यान महिला करतात ‘या’ मोठ्या चूका, अति घाई आरोग्यासाठी ठरू शकते धोकादायक)

​गुरुवारचा दिवस

1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

गुरुवारी सकाळी मुलांना नाश्तामध्ये लापशी खायला द्या. त्यानंतर काही वेळाने दहीमध्ये गुळ मिक्स करा. आणि ते मुलांना भरवा. तसेच मुलांना आंबा आवडत असेल तर अर्धा आंबा देखील तुम्ही त्यांना देऊ शकता. त्यानंतर दुपारच्या जेवणासाठी ज्वारी किंवा गव्हाची चपाती आणि त्याबरोबर छोले, पालकची भाजी द्या. तसेच याबरोबर टोमॅटोही मुलांना खायला द्या. संध्याकाळी मुलांना दही भरवा. तसेच रात्री जेवणासाठी चपाती, भाजी आणि डाळ फ्राय द्या. या पौष्टिक पदार्थांमुळे मुलांची शारीरिक वाढ लवकर होईल.

(Fertility Diet – आई-बाबा होऊ न देणा-या चुकांकडे करू नका दुर्लक्ष, ‘या’ न्यट्रिशियन टिप्स वापरून फर्टिलिटी करा मजबूत!)

​शुक्रवारचं डाएट प्लॅन

1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

शुक्रवारी सकाळी नाश्तासाठी ज्वारीची खीर तयार करून मुलांना भरवा. त्यानंतर थोड्या वेळाने १ ते २ पनीरचे लाडू आणि अर्धा कप नासपती मुलांना द्या. तसेच दुपारच्या जेवणामध्ये भाज्यांचं सुप, फ्राय राइस आणि गाजर द्या. मुलं वाढत्या वयात असताना त्यांना भूक देखील तितकीच लागते. अशावेळी संध्याकाळी मुलांना फ्रुट कस्टर्ड तयार करून द्या आणि ते त्यांना भरवा. तसेच रात्रीच्या जेवणामध्येही हेल्दी पदार्थच मुलांना देण्याकडे लक्ष द्या. रात्रीच्या जेवणामध्ये मसुर डाळ आणि पुलाव मुलांना द्या.

(डिलिव्हरीनंतर ‘या’ समस्येमुळे त्रस्त आहे अनुष्का शर्मा, अभिनेत्रीने शोधून काढला नवा उपाय, प्रत्येक आई करू शकते फॉलो)

​शनिवारी बनवा ‘हे’ खास पदार्थ

1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

या दिवशी नाश्तामध्ये तुम्ही साबुदाण्याची खीर तयार करा आणि ती मुलांना भरवा. थोड्या वेळानंतर अर्ध्या अंड्याची पोळी किंवा बेसनचा पोळा मुलांना द्या. तसेच याबरोबर अर्धा कप टरबूज किंवा पपई देखील द्या. दुपारच्या जेवणामध्ये डाळ, चपाती, भाजी द्या. तसेच जेवणाबरोबर काकडी देखील द्यायला विसरू नका. तसेच रात्रीच्या जेवणामध्ये डोसा आणि सांभार द्या. मुलांच्या भुकेनुसार त्यांना अधिकाधिक पौष्टिक पदार्थ कसे देता येतील याकडे पालकांनी अधिक भर देणं गरजेचं आहे.

(मास्क न घालता देखील सुरक्षित राहू शकतात मुलं, फक्त ‘ही’ १ गोष्ट ठेवा कायम लक्षात!)

​रविवारी मुलांना जेवणामध्ये काय द्यावं?

1 year baby diet: १ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक

रविवारी सकाळी मुलांना नाश्तामध्ये शेवयांचा उपमा बनवून द्या. उपमा बरोबरच मुलांना चॉकलेट मिल्क देखील भरवा. त्यानंतर थोड्या वेळाने छोटा चिकू तसेच खजूर आणि बदामाचा लाडू तयार करून मुलांना द्या. दुपारच्या जेवणामध्ये ज्वारी आणि गव्हाची चपाती त्याचबरोबर छोले आणि पालकची भाजी मुलांना भरवा. संध्याकाळी मुलांना भूक लागली तर पोहे द्या. रात्रीच्या जेवणामध्ये भात आणि अंड्याची करी मुलांना खायला द्या. पण मुलांसाठी हे डाएट तुम्ही फॉलो करणार असाल तर त्यापूर्वी तज्ज्ञांचा किंवा ओळखीच्य डॉक्टरांचा आवश्य सल्ला घ्या.

(डिलिव्हरीनंतर झटपट वेट लॉससाठी नाश्तामध्ये करा ‘या’ गोष्टींचा समावेश, काही दिवसांमध्येच व्हाल स्लिम)



Source link