मान्य आहे की आपण वजन कमी करण्यासाठी हेल्दी डाएट कायम फॉलो करण्याचा प्रयत्न करतो पण पीरियड्स दरम्यान वजनात अचानक वाढ झाली तर घाबरू नका आणि त्यासाठी स्वत: ला दोष देऊ नका. कारण पीरियड्स दरम्यान वजन वाढणे ही अतिशय सामान्य गोष्ट आहे. होय, हे निराशाजनक जरुर असू शकते पण पीरियड्स दरम्यान वजन वाढणे म्हणजे अथक प्रयत्नांनी कमी केलेली चरबी परत आली असं मुळीच नाही. हे फक्त वॉटर रिटेंशन असते, जे इस्ट्रोजेन आणि प्रोजेस्टेरॉन हार्मोन्सच्या पातळीत बदल झाल्यामुळे किंवा जास्त प्रमाणात खारट पदार्थ खाल्ल्यामुळे उद्भवते.

चांगली बातमी अशी आहे की पाण्याचे वजन वाढणे हे तात्पुरते असते. पीरियड्स संपल्यानंतर एका आठवड्या नंतर वाढलेले वजन पुन्हा आपोआप कमी होऊ लागते. प्रत्येक वेळी पीरियड्स आल्यावर हे वजन वाढणारच. वजन वाढवण्यासाठी जबाबदार असलेल्या गोष्टींवर नियंत्रण आणून व काही सोप्या उपायांचे पालन करून वाढणारे वजन कंट्रोल केले जाऊ शकते.

हायड्रेटेड राहा

डिहायड्रेशन हे देखील वॉटर रिटेंशनचे होण्याचे आणखी एक कारण असू शकते. जेव्हा आपण दिवसभर भरपूर पाणी पित नाही तेव्हा शरीरात द्रव पदार्थ जमा होण्यास सुरुवात होते. यासोबतच जर तुम्ही जास्त प्रमाणात खारट पदार्थ खाल्ले तर ते सिस्टममधून बाहेर काढण्यासाठी तुम्हाला भरपूर पाणी पिण्याची गरज लागते. तर एका दिवसात किमान 3 ते 4 लिटर पाणी पिण्याचा प्रयत्न करा. तुम्हाला आवडत असेल तर आपण आपल्या आहारात इंफ्यूज्ड आणि नारळ पाण्याचा देखील समावेश करू शकता.

क्रेविंगपासून दूर राहा

आपण हे क्वचितच निरिक्षण केले असेल पण मासिक पाळीपूर्वी स्त्रियांचे वजन 1 ते 2 किलोने वाढते. हे पीरियड हार्मोनच्या पातळीतील वाढ होण्यामुळे आणि मासिक पाळीच्या आधी अस्वच्छ व अनहेल्दी अन्नपदार्थ खाण्याची इच्छा यामुळे होते. हार्मोन्ससाठी तर आपण काहीच करु शकत नाही पण निरोगी पदार्थांचे सेवन वाढवून आपण या अनहेल्दी पदार्थांच्या क्रेविंगला सहजपणे आळा घालू शकतो.

कामात व्यस्त राहा

महिलांनी पीरियड्स दरम्यान वाढलेले वजन कमी करण्यात हार मानू नये. तुम्हाला माहित नसेल पण आपल्या पीरियड्सच्या एक आठवडा आधी आपले शरीर सामान्यपेक्षा 10 टक्के जास्त कॅलरी बर्न करते. म्हणून मजबूत व्हा आणि नियमितपणे चालत राहा. समान प्रमाणात कॅलरी घेत आपल्या ध्येयावर टिकून राहण्याचा प्रयत्न केल्यास वजन नियंत्रण करण्याचे ध्येय प्राप्त केले जाऊ शकते.

नियमित वर्कआउट करा

तसं तर मानले जाते की जेव्हा रक्तस्त्राव (periods bleeding) होतो तेव्हा स्त्रियांनी व्यायाम करू नये. यामुळे अधिक त्रास होऊ शकतो. पण प्रत्यक्षात हे अत्यंत चुकीचे आहे. मासिक पाळीच्या वेळी व्यायाम करण्यात काहीही गैर नाही. जर आपल्याला वेदना होत असतील तर आपण चालणं किंवा योगाभ्यास सारखे हलके फुलके व्यायाम करू शकता. असे साधेसोपे व कमी प्रभावाचे व्यायाम केल्याने केवळ पीरियड्स क्रॅम्प्स पासूनच मुक्ती मिळत नाही तर मन व डोकं देखील शांत राहते.

कॅफिनयुक्त पदार्थांपासून दूर राहा

अनेक स्त्रिया मासिक पाळी दरम्यान भरपूर चहा किंवा कॉफी पितात. यामुळे वॉटर रिटेंशन आणि ब्लोटिंगची समस्या होऊ लागते, जे वजन वाढवण्यासाठी जबाबदार आहे. या दिवसांत वजन कमी करण्यासाठी ग्रीन टी किंवा गरम पाणी पिणे हा एक चांगला पर्याय असू शकतो. मासिक पाळी दरम्यान वजन वाढणे ही काही कोणती समस्या नाही. म्हणून अनावश्यक काळजी करू नका. फक्त आपल्या खाण्यापिण्याची विशेष काळजी घ्या, जेणेकरून कोणत्याही प्रकारच्या शारीरिक समस्यांपासून बचाव करणं सोपं जाईल.