[ad_1]
मुलं सहा महिन्यांची झाल्यानंतर घरातच त्यांच्यासाठी बेबी फूड तयार केलं जातं. यासाठी विविध पौष्टिक पदार्थांचा वापर केला जातो. पण मुलांची उंची आणि वजन वाढवायचं असेल तर कोणतं बेबी फूड मुलांना द्यावं, तसेच हे फूड तयार करण्याची सोपी पद्धत या लेखाच्या आधारे जाणून घेऊया.
बेबी फूड बनवण्याची पद्धत
मुलांच्या निरोगी आरोग्याच्या दृष्टीने घरच्या घरी मुलांसाठी घरगुती बेबी फूड तयार केलं जातं. हे बेबी फूड तयार करत असताना पौष्टिक पदार्थांचा वापर केला जातो. आज आम्ही तुम्हाला मुलांची उंची व वजन वाढवण्यासाठी कोणतं बेबी फूड मुलांना द्यावं आणि ते कसं बनवावं याची सोपी पद्धत सांगणार आहोत.
– एक स्टीलचा कुकर घ्या.
– हा कुकर गॅसवर ठेवा.
– यामध्ये एक चमचा तूप टाका.
– तपू गरम झाल्यानंतर त्यामध्ये थोडं जिरे टाका.
– जिरे तेलात गरम झाल्यानंतर चिमुटभर हिंग मिक्स करा.
– त्यानंतर कढीपत्त्याची दोन पानं टाका.
(बॉलिवूडच्या हॉट मॉमचं दुसऱ्यांदा झालं सिझेरियन, पहिल्या सिझरनंतर नॉर्मल डिलिव्हरी शक्य आहे का?)
असं बनवा घरगुती बेबी फूड
– कढीपत्त्याची पानं टाकल्यानंतर अर्धा कप तांदूळ घ्या.
– तांदूळ स्वच्छ धुवून घ्या.
– आता तांदूळ यामध्ये मिस्क करा.
– घेतलेल्या तांदळापेक्षा तीन पट पाणी यामध्ये मिस्क करा.
– आता कुकरचं झाकण लावा.
– कुकरच्या तीन शिट्ट्या होईपर्यंत थांबा.
– कुकर थंड झाल्यानंतर त्याचं झाकण उघडा.
स्वयंपाक घरात उपलब्ध असणाऱ्या पदार्थांपासून तयार करण्यात येणाऱ्या या बेबी फूडमुळे मुलांची पचनक्रिया सुधारण्यास मदत मिळू शकते.
(पालकांसाठी धोक्याची घंटा! टीव्ही, फोनचा अतिवापर मुलांवर पडतोय भारी, वेळीच व्हा सावध)
काही मिनिटांमध्येच बेबी फूड होईल तयार
– कुकरमध्ये तयार झालेल्या भातामध्ये दोन ते ३ चमचे दही मिक्स करा.
– आंबट दहीचा वापर करणं टाळा.
– दही मिक्स केल्यानंतर चिमुठभर काळ्या मिरचीची पावडर, दोन तुळशीची पानं, दोन पुदीन्याची पानं यामध्ये मिक्स करा.
– आता हे मिश्रण एकत्रित करून मिक्सरच्या भांड्यामध्ये बारीक करून घ्या.
– तयार मिश्रण जाडसर वाटत असेल तर त्यामध्ये कोमट पाणी अथवा दही टाकून बारीक करून घ्या.
– बारीक झालेलं मिश्रण एका वाटीमध्ये काढा.
सोप्या पद्धतीने तयार करता येणारं हे बेबी फूड तुम्ही तुमच्या मुलांसाठी बनवू शकता.
बेबी फूडचे फायदे
उन्हाळ्याचा दिवसांमध्ये बऱ्याचदा मुलांना अन्न पचायला जड जातं. पचनक्रिया सुरळीत नसल्यामुळे गॅस, पोट दुखी अशाप्रकारच्या विविध समस्या मुलांमध्ये उद्भवतात. अशावेळी काही घरगुती उपाय देखील करणं गरजेचं आहे. मुलांचे पोटाचे विकार दूर करण्यासाठी तुम्ही या बेबी फूडचा वापर करू शकता. लहान मुलांना पोट दुखी किंवा इतर कोणता त्रास होत असेल तर तो त्यांना सांगता येत नाही. यादरम्यान पालकांनी देखील मुलांच्या आरोग्याकडे लक्ष देत त्यांना योग्य ते खाद्यपदार्थ देणं गरजेचं आहे. वरील नमुद केलेल्या बेबी फूडमुळे मुलांची उंची व वजन वाढण्यास मदत मिळते. त्याचबरोबरीने गॅस, एसिडीटी तसचे पोटाचे विकार देखील नाहीसे होतात.
(सुपरहॉट अभिनेत्रीचा डिलिव्हरीनंतर कायापालट, ‘हे’ उपाय करत घटवलं तब्बल १० Kg वजन)
बाळासाठी तांदूळ फायदेशीर
तांदळामध्ये व्हिटॅमिन बीचा समावेश असतो. यामुळे मुलांचा शारीरिक तसेच बौद्धिक विकास होण्यास मदत मिळू शकते. तसेच तांदळामध्ये प्रोटीन पुरेशा प्रमाणात असता. याचे नियमित सेवन केल्यामुळे शरीरामधील स्नायु बळकट होण्यास मदत मिळते. तसेच मुलांच्या पचनशक्तीनुसार त्यांना अन्न भरवलं पाहिजे. तांदूळ पचायला हलका असल्यामुळे बेबी फूडमध्ये देखील याचा वापर केला जातो. तांदळामध्ये समाविष्ट असणाऱ्या कॅलरीमुळे मुलांची शारीरिक उर्जा देखील वाढते. तज्ज्ञांच्या सल्ल्यानुसार तुम्ही मुलांना हे बेबी फूड देऊ शकता.
[ad_2]
Source link