खालिद हसन

लंडन : प्रत्येक क्रिकेटपटूला आपल्या देशाकडून क्रिकेट खेळनं ही सर्वांत मानाची गोष्ट असते. हा मान लवकरात लवकर मिळावा यासाठी क्रिकेटर्स जीवाचं रान करतात. दरम्यान आम्ही तुम्हाला सांगितले की एक खेळाडू 17 वर्षांचा होण्यापूर्वीच त्याची आंतरराष्ट्रीय क्रिकेट कारकिर्द संपुष्टात आली तर…हे वाचून तुम्हाला वाईट वाटेल. पण विचार करायला लावणारी गोष्ट ही देखील आहे की, 17 वर्षांचा होण्याआधी क्रिकेटला रामराम ठोकणाऱ्या खेळाडूने पदार्पण कितव्या वर्षी केलं असेल.

तर ही सर्व चर्चा होत असलेल्या खेळाडूचे नाव आहे खालिद हसन (Khalid Hasan). खालिद हे पाकिस्तानचे माजी क्रिकेटपटू असून ते आता या जगात नाहीत. पण त्यांचे कसोटी क्रिकेटमधील पदार्पण आणि शेवट यामुळे ते कायम स्मरणात आहेत. खालिद यांनी 1954 मध्ये इंग्लंड विरोधात आपल्या कसोटी कारकिर्दीची सुरुवात केली. पदार्पण करताना खालिद यांच वय 16 वर्षे 352 दिवस इतकं होतं. नॉटिंघम येथे खेळल्या गेलेल्या या सामन्यात ते सर्वात कमी वयात पदार्पण करणारे खेळाडू ठरले होते. पहिल्याच टेस्टमध्ये खालिद यांनी शेवटच्या फळीत येऊन 17 धावा करत गोलंदाजीत 2 महत्त्वात्या फलंदाजाच्या विकेट्सही घेतल्या.

चार दिवसांत आंतरराष्ट्रीय कारकिर्द संपुष्टात

आपल्या सलामीच्या सामन्यात खालिद हे पाकिस्तान संघातील दुसरे यशस्वी गोलंदाज ठरले होते. 116 धावा देत त्यांनी दोन महत्त्वाचे विकेट्स पटकावले होते. मात्र तरीदेखील पहिला सामनाच त्यांचा शेवटचा सामना ठरला. त्यामुळे अवघ्या एका कसोटी सामन्यानंतरच खालिद यांची आंतरराष्ट्रीय क्रिकेट कारकिर्द संपुष्टात आली. त्यांनी 16 वर्षे 352 दिवसाचे असताना पदार्पण केले आणि 16 वर्षे 356 दिवसांचे असताना शेवटचा सामना खेळला. त्यामुळे अवघ्या चार दिवसांत त्यांची क्रिकेट कारकिर्द संपुष्टात आली. खालिद हसन यांनी प्रथम श्रेणी क्रिकेटमध्ये 17 सामन्यांच 113 धावा करत 28 विकेट्स घेतले. सहा वर्षे ते प्रथम श्रेणी क्रिकेट खेळले.

हे ही वाचा –

ICC Test Rankings : न्यूझीलंड संघासह खेळाडूंची गरुडझेप, टॉप 10 मध्ये तीन भारतीय, ‘हा’ फलंदाज पहिल्या स्थानावर

ICC Cricket T20 World Cup 2021 Schedule : टी 20 वर्ल्ड कपच्या तारखा जाहीर, फायनल कधी?

IPL 2021 : आयपीएलचं ठिकाण ठरलं, उर्वरीत सामने होणारच, BCCI चा मोठा निर्णय

(Pakistan Cricketer Khalid Hasan made his test Debut Against England at Age of 16 on this day)