मुलांचा हा आहार नेहमीच पालकांसाठी चिंतेचा विषय असतो. कारण लहान मुलांचा हा काळ वाढीचा आणि पालन पोषणाचा असतो. या काळात जर त्यांचे योग्य पालन पोषण झाले तर मुले सुदृढ आणि सक्षम होतात. त्यासाठी त्यांना योग्य आहार देणे आणि तो आहार कसा हवा याचे ज्ञान पालकांना असणे खूप गरजेचे आहे. मुलांना गोड खाऊ घालावे की नाही हा प्रश्न देखील पालकांना नेहमी सतावत असतो. साखरेचा अतिरेक वाईट असतो हे आपल्या सर्वाना माहित आहेच, त्याबद्दल काही वेगळे सांगण्याची गरज नाही. मग अशावेळी विचार येतो की मुलांना किती प्रमाणात साखर खाऊ घालावी? घालावी की नाही?

तर मंडळी आम्ही तुम्हाला असा सल्ला देऊ की साखरे पेक्षा तुम्ही त्याला पर्यायी असणारा पदार्थ म्हणजे गुळाचा पर्याय निवडा, गुळ हा खूप पोषक असतो, यात शरीराला उर्जा देणाऱ्या घटकां सोबत क्रोमियम, मँगनीज, मॅग्‍नीशियम आणि झिंक सारखे पोषण तत्व सुद्धा असतात. तुम्ही बाळाला गुळ खाऊ घाला पण बाळ एक वर्षाचे होऊ द्या. एक वर्षापेक्षा लहान मुलांना गुळ खायला देऊ नये.

रव्याचा शिरा

गुळासोबत रवा मिक्स करून तुम्ही एक गोड पदार्थ बनवू शकता. यासाठी तुम्हाला गरज आहे गुळ, पाणी, रवा आणि वेलची पावडर या साहित्याची! सर्वात आधी पाण्यात थोडा गुळ उकळवून घ्या आणि एका वेगळ्या भांडयामध्ये रवा हलका भाजेपर्यंत परतून घ्या. यात गुळाचे उकळवलेले पाणी घाला. आता जेव्हा हे मिश्रण थोडे जाड होईल तेव्हा त्यात वेलची पावडर टाकून मिक्स करा. हा हलवा बाळाला खाऊ द्या. यातून बाळाला गुळ, रवा आणि वेलची तिन्ही मधील पोषक तत्वे मिळतील.

गुळाची चपाती

गुळाची चपाती हा सुद्धा एक पौष्टिक पदार्थ आहे. गुळाची चपाती बनवण्यासाठी पीठ, वेलची पावडर, बदाम, तूप आणि मीठ या साहित्याची गरज असते. गहू, मीठ आणि तूप एकत्र करून पीठ मळून घ्या, हे पीठ 20 मिनिटे असेच राहू द्या. बदाम पावडर, वेलची पावडर आणि गुळाचे एक मिश्रण किंवा सारण बनवा आणि हे सारण पीठाच्या गोळ्या मध्ये भरून लाटण्याने चपात्यांसारखे लाटून घ्या आणि छानपैकी गुळ चपाती शेकवून घ्या. अशा प्रकारे तयार झाली तुमची पौष्टिक व चविष्ट गुळाची चपाती. हा एक प्रसिद्ध पदार्थ असून उत्तर भारतात लहान मुलांना आवर्जून खायला दिला जातो.

गुळामध्ये असणारे पोषक घटक

फार कमी लोकांना माहित आहे पण गुळामध्ये खूप पोषक तत्वे असतात. चांगल्या गुणवत्तेच्या गुळामध्ये 70 टक्क्यांपेक्षा जास्त सुक्रोज, 10 टक्क्यांपेक्षा कमी ग्लुकोज आणि 5 टक्क्यांपेक्षा कमी खनिज असते. गुळातील पोषण मुल्य हे वेगवेगळे असू शकते. ते यावर अवलंबून असते की गुळाचा नेमका स्त्रोत काय आहे. जाणकारांच्या मते 100 ग्रॅम गुळामध्ये 40 ते 100 मिलीग्रॅम कॅल्शियम, 1056 मिलीग्रॅम पोटॅशियम 70 से 90 मिलीग्रॅम मॅग्नीशियम, 19 से 30 मिलीग्रॅम सोडियम, 10 से 13 मिलीग्रॅम आयर्न, 20 से 90 मिलीग्रॅम फॉस्फरस, 0.2 से 0.4 मिलीग्रॅम झिंक, 0.2 से 0.5 मिलीग्रॅम मँग्नीज, 0.1 से 0.9 मिलीग्रॅम कॉपर आणि 5.3 मिलीग्रॅम क्लोराइड असते.

लहान मुलांना काय फायदा होतो?

लहान मुलांना गुळाचा वेगवेगळ्या प्रकारे खूप फायदा होतो. लहान मुलांच्या हाडांचे आरोग्य गुळामुळे सुदृढ राहते. त्यांच्या वाढीस चालना मिळते. हाडे अधिक सक्षम होतात. गुळ पचनामध्ये सुद्धा गुणकारी ठरते. गुळामुळे लहान मुलांची रोगप्रतिकारक शक्ती वाढते व बाळाचे विविध आजारांपासून आणि विकारांपासून संरक्षण होते. यकृत शुद्धीकरणासाठी देखील गुळ उपयोगी असल्याचे दिसून आले आहे. एकंदरीत गुळयुक्त कोणताही पदार्थ बाळासाठी फायदेशीरच ठरतो. त्यामुळेच लहान मुलांना अवश्य गुळाचे पदार्थ खाऊ घाला आणि अधिक सक्षम बनवा.

गुळाचे गुणधर्म

लहान मुलांना सतत सर्दी खोकल्याचा त्रास सतावत असतो. कोमट पाण्यामध्ये गुळ मिक्स करून दिल्यावर सर्दी आणि खोकला ठीक होऊ शकतो. रोज गुळाचा एक तुकडा खाल्ल्याने शरीरातील विषारी पदार्थ बाहेर फेकले जातात आणि लिव्हर अगदी साफ होते. गुळ हा अँटीऑक्सिडेंटचा देखील चांगला स्त्रोत आहे. यात झिंक सारखे खनिज पदार्थ सुद्धा असतात हे फ्री रेडीकल पेशींना कमकुवत होण्यापासून वाचवतात. सोबतच यामुळे रोगप्रतिकारक शक्ती वाढते.