[ad_1]
मात्र पुन्हा त्यांना श्वसनाचा त्रास जाणवू लागला. डॉक्टरांनी सांगितल्याप्रमाणे त्यांना बायलेटरल प्ल्यूरल इफ्यूजनने (Bilateral Pleural Effusion) ग्रासलं होतं. या आजारामुळे ते अधिक त्रस्त झाले होते. हा आजार नेमका काय आहे? आणि या आजाराची लागण का होते? हे या लेखाच्या आधारे सविस्तर स्वरुपात जाणून घेऊया.
बायलेटरल प्ल्यूरल इफ्यूजन म्हणजे काय?
प्लूरल इफ्यूजन ही एक अशी समस्या आहे ज्यामुळे फुफ्फुसांच्या बाहेरील बाजूस द्रव्य पदार्थ एकत्रित होतात. यामुळे अनेक प्रकारचे आजार उद्भवतात. एखाद्या व्यक्तीला जर हा आजारा झाला असेल तर फुफ्फुसांच्या बाहेरील बाजूस साचलेले द्रव्य पदार्थ काढावे लागतात. प्लूरा हा एक पातळ पडदा आहे. छाती आणि फुफ्फुसांच्या अंतर्गत हा पातळ पडदा असतो. या आजारामध्ये छाती आणि फुफ्फुसांमधील या रिकामी जागेवरच द्रव्य पदार्थ साचून राहतो. सामान्य स्थितीमध्ये या रिकामी जागेमध्ये फक्त एक चमचा द्रव्य पदार्थ असतो. जेव्हा तुम्ही श्वास घेता तेव्हा या द्रव्य पदार्थामुळे फुफ्फुसांची हालचाल होते.
(फोटो सौजन्य – commons.wikimedia.org)
प्ल्यूरल इफ्यूजन होण्यामागचं कारण
बऱ्याच वैद्यकीय समस्यांमुळे ही स्थिती निर्माण होते. प्लूरल इफ्यूजन होण्यामागचं कारण नेमकं काय हे जाणून घेऊया.
अवयवामध्ये गळती
एखाद्या व्यक्तीचं हृदय काम करणं बंद करतं आणि हृदयाला पुरेसा रक्त पुरवठा होत नाही तेव्हा अशाप्रकारची स्थिती उद्भवते. तसेच प्ल्यूरल इफ्यूजन होण्यामागे मुत्रपिंड आणि यकृत देखील जबाबदार असू शकतात. या अवयवांमधून द्रव्य पदार्थ जेव्हा बाहेर पडतो तेव्हा तो प्लूरलच्या जागेवर साचून राहतो.
फुफ्फुसांचा कर्करोग
पुरुष आणि स्त्रिया या दोन्ही गटातील व्यक्तींचा कर्करोगामुळे मृत्यु होण्यामागे फुफ्फुसांचा कर्करोग हे सामान्य कारण असते. फुफ्फुसांच्या कर्करोगामुळे आजही काही जण त्रस्त आहेत. ज्यांना फुफ्फुसांच्या कर्करोग असतो त्यांच्यामध्ये देखील प्ल्यूरल इफ्यूजनची समस्या उद्भवते. तसेच फुफ्फुसांपर्यंत पोहचणाऱ्या इतर कर्करोगामुळे देखील ही समस्या दिसून येते. धूम्रपान फुफ्फुसांच्या कर्करोगासाठी अधिक कारणीभूत ठरतो. त्यामुळे वेळीच धूम्रपानची सवय सोडा आणि निरोगी आयुष्य कसं जगता येईल याकडे लक्ष द्या.
प्ल्यूरल इफ्यूजनची लक्षणं
ज्येष्ठ अभिनेते दिलीप कुमार यांना या आजाराची लागण झाली. अन् वारंवार त्यांना रुग्णालयात देखील भरती करावं लागत होतं. हा आजार खरंच अधिक जीवघेणा आहे. या आजाराच्या सुरुवातीला कोणतीच लक्षणं दिसून येत नाहीत. या आजारामध्ये अधिक धोकादायक गोष्ट म्हणजे एखाद्या व्यक्तीची तब्येत अधिक बिघडू लागली की हा आजार झाला असल्याचे कळते. या आजारामध्ये दिसणारी लक्षणं खालीलप्रमाणे.
– ताप
– खोकला
– श्वास घेण्यास त्रास होणे
– श्वास घेताना छातीमध्ये दुखणे
डॉक्टर या आजाराचा तपास कसा करतात?
डॉक्टर विविध पद्धतीने या आजाराचा तपास करतात. या पद्धती नेमक्या कोणत्या हे सविस्तर स्वरुपात पाहूयात.
१. छातीचा एक्स-रे
छातीच्या एक्स-रेमध्ये प्ल्यूरल इफ्यूजन पांढऱ्या रंगाचे दिसून येते. तसेच हवा यामध्ये तुम्हाल काळ्या रंगामध्ये दिसून येते.
२. सीटी स्कॅन
सीटी स्कॅन मार्फत देखील डॉक्टर या आजाराचा तपास करतात. या तपासामध्ये आजाराबाबत असणारी माहिती अधिक योग्य पद्धतीने मिळते.
३. अल्ट्रासाउंड
प्ल्यूरल इफ्यूजनसाठी अल्ट्रा साउंड पद्धतीचा देखील वापर करण्यात येतो. यामध्ये एखाद्या व्यक्तीच्या प्ल्यूरलच्या जागेवर सुई मार्फत द्रव्य पदार्थ टाकून त्याची चाचणी करण्यात येते.
हा आजार किती गंभीर असतो?
हा आजार एखाद्या व्यक्तीला झाला असेल तर त्याची स्थिती अगदी गंभीर होते. या आजारामध्ये उच्च रक्तदाब, अनियंत्रित रक्तदाब, हृदयरोगाची समस्या, मुत्रपिंड निकामी होणे, आधीच्या आजारांमुळे प्रोटिनचे कमी प्रमाण अशा अनेक प्रकारच्या समस्या उद्भवतात. यामुळे मानवी शरीर संपूर्णपणे खचून जाते. या आजाराकडे गंभीरतेने पाहणं देखील गरजेचं आहे. छातीचा एक्स-रे आणि सीटी स्कॅन मार्फत हा आजार झाला आहे की नाही हे अचूक कळू शकते.
[ad_2]
Source link