Thursday, June 17, 2021
Homeमनोरंजनकरोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

करोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

शासननामा न्यूज ऑनलाईन

प्रेग्नेंसीच्या काळामध्ये महिलांनी तणावमुक्त, आनंदी आणि हसत-खेळत राहणं गरजेचं आहे. मात्र करोना विषाणूमुळे आजूबाजूला निर्माण झालेली नकारात्मकता, तणावपूर्ण परिस्थितीमुळे गर्भवती महिलांवर याचा परिणाम होत आहे. करोना काळातील प्रेग्नेंसी काही वेगळी आहे. करोना विषाणूची लागण आपल्याला होणार का? याचा आपल्या बाळावर काही परिणाम होईल का? असे अनेक प्रश्न गर्भवती महिलांच्या मनामध्ये थैमान घालत आहेत. प्रत्येक वयोगटामध्ये करोनाची लक्षणं बदलताना दिसत आहेत.

न्यूयॉर्कमध्ये झालेल्या एका संशोधनानुसार एक नवीन माहिती उघड झाली आहे. करोनामुळे गर्भवती महिला किंवा हार्मोन रिप्लेसमेंट थेरपी घेत असलेल्या महिलांमध्ये रक्ताच्या गुठळ्या निर्माण होण्याचा धोका वाढला आहे. या महाभयंकर आजारामुळे निर्माण होणारे त्रास दिवसेंदिवस वाढत आहेत. गर्भवती महिलांना रक्ताच्या गुठळ्या होऊ नये म्हणून काय खबरदारी घेतली पाहिजे हे या लेखाच्या आधारे जाणून घेऊया.

रक्ताच्या गुठळ्यांचा धोका

करोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

करोना या संसर्गजन्य आजारामुळे वेगवेगळ्या वयोगटातील व्यक्तींना आरोग्यविषयक समस्यांचा बराच सामना करावा लागत आहे. गर्भवती महिलांना देखील करोनाची लागण होत असल्याचं बऱ्याच करोना चाचणीच्या अहवालांमधून समोर आलं आहे. आता एक नवीन बाब समोर आली आहे ती म्हणजे करोनामुळे गर्भवती महिलांमध्ये रक्ताच्या गुठळ्या निर्माण होणं. फुफ्फुसं, किडनी आणि हृदय तसेच शरीराच्या इतर अवयवांवर करोनाचा परिणाम होतो. यामध्येच आता रक्ताच्या गुठळ्या होणं ही समस्या देखील वाढली आहे.

​रक्ताच्या गुठळ्या का होतात?

करोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

गर्भवती महिला किंवा हार्मोन रिप्लेसमेंट थेरपी घेत असलेल्या महिलांमध्ये रक्ताच्या गुठळ्या निर्माण होण्याचा धोका अधिक वाढला आहे. करोनाची लागण झालेल्या या महिलांना अँटीकोएगुलेशन थेरपी घेणे किंवा एस्ट्रोजेन औषधं घेणं बंद केले पाहिजे. युएस युनिवर्सिटीमधील डॅनियल स्प्रॅट यांच्या म्हणण्यानुसार, करोनाची लागण झालेल्या महिलांनी अँटीकोएगुलेशन थेरपी घ्यावी की नाही याबाबत अजूनही रिसर्च सुरू आहे.

रक्ताच्या गुठळ्या कशा तयार होतात?

करोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

जेव्हा रक्तवाहिन्या खराब होऊ लागतात तेव्हा रक्ताच्या गुठळ्या निर्माण होण्यास सुरुवात होते. रक्ताच्या गुठळ्या प्लेटलेट्स वाहिन्यांच्या बाजूने जाण्यास सुरुवात होते. तसेच शरीरामधील प्लेटलेट्सचे प्रमाणही कमी होते. करोनाचा गंभीर परिणाम शरीराच्या विविध अवयवांवर होत आहे. या आजाराशी दोन हात करण्यासाठी संपूर्ण देश प्रयत्न करत आहे. मात्र दिवसेंदिवस या आजाराचे बदलते रूप धोकादायक ठरत चालले आहे.

​तज्ज्ञांच मत काय?

करोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

दिल्लीच्या रिजॉयस रुग्णालयामधील स्त्रीरोग तज्ज्ञ डॉक्टर सोनिया चावला सांगतात की, गर्भवती महिलांना रक्ताच्या गुठळ्या होण्याचा धोका अधिक असतो. याचा थेट परिणाम या महिलांच्या आरोग्यावर तसेच बाळावर होऊ शकतो. गर्भवती महिलांना रक्ताच्या गुठळ्या झाल्या असतील तर पाय दुखण्याची समस्या अधिक उद्धवते. म्हणूनच गर्भवती महिलांनी या आजारापासून दूर राहण्यासाठी योग्य ती खबरदारी घेतली पाहिजे. तसेच या महिलांनी आपल्या आरोग्याची काळजी घेणं देखील तितकंच महत्त्वाचं आहे.

​आरोग्यावर होणारा परिणाम

करोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

गर्भवती महिलांमध्ये रक्ताच्या गुठळ्यांचे प्रमाण अधिक असेल तर याचा गंभीर परिणाम शरीरामधील विविध अवयवांवर दिसून येतो. फुफ्फुसे, हृदयावर याचा गंभीर परिणाम होतो. डॉक्टर सोनिया सांगतात की, महिलांनी प्रेग्नेंसीच्या काळामध्ये स्वतःला एक्टिव्ह ठेवलं पाहिजे. यासाठी काही श्वासोच्छवासाचे प्रकार, डॉक्टरांच्या सल्ल्यानुसार व्यायाम योगासने करणं गरजेचं आहे. तसेच आपल्या आहाराकडे देखील विशेष लक्ष दिलं पाहिजे. आहारामध्ये निरोगी आरोग्यासाठी उपयुक्त ठरतील अशा खाद्यपदार्थांचा समावेश असणं महत्त्वाचं आहे. योग्य ती काळजी घेतल्यास गर्भवती महिलांना या आजारापासून दूर राहण्यास मदत मिळू शकते.

योग्य ती काळजी घ्या

करोनाचं महाभयंकर रूप, गर्भवती महिलांना रक्ताच्या गुठळीचा धोका, वेळीच व्हा सावध

करोनासारख्या गंभीर आजाराचे परिणाम शरीरासाठी फारच घातक ठरत आहेत. अशावेळी गर्भवती महिलांनी या आजारापासून दूर राहण्यासाठी स्वतःची काळजी स्वतः घेणं फार गरजेचं आहे. या आजाराचा आपल्यावर आणि बाळावर परिणाम होऊ नये म्हणून सर्वप्रथम तणावमुक्त राहण्याचा प्रयत्न करा. वेळोवेळी आपल्या जवळच्या व्यक्तींशी सोशल मीडियाद्वारे संपर्क साधा. शक्यतो घराबाहेर जाणं टाळा. गर्दीच्या ठिकाणी मास्क लावणे, सोशल डिस्टन्सिंग पाळणे या साध्या-सोप्या गोष्टींचे पालन करा.

Source link

RELATED ARTICLES

LEAVE A REPLY

Please enter your comment!
Please enter your name here

Most Popular

Recent News

Shasannama News

FREE
VIEW