coronavirus in pune latest update: Coronavirus In Pune: पुण्यासाठी दोन दिवसांतील करोनाचे ‘हे’ आकडे चिंता वाढवणारे – coronavirus in pune number of active patients increased in pune city

0
20


हायलाइट्स:

  • पुणे शहरात २४ तासांत ३३३ नवीन बाधितांची भर.
  • दोन दिवसांपासून नवीन रुग्णसंख्येत होतेय वाढ.
  • जिल्ह्यातील सक्रिय रुग्णसंख्या आता ८७२५ इतकी.

पुणे: पुणे शहरासह जिल्ह्यात सातत्याने करोना बाधितांची संख्या कमी होत असताना गेल्या दोन दिवसांपासून हे चित्र बदलताना दिसत आहे. पुणे शहरात बुधवारच्या तुलनेत गुरुवारी सक्रिय रुग्णसंख्येत वाढ झाली. पुण्यात सध्या २५१६; तर जिल्ह्यात ८७२५ एवढे रुग्ण सक्रिय आहेत. ( Coronavirus In Pune Latest Update )

वाचा: तिसरी लाट अधिक विध्वंसक असू शकते; ‘डेल्टा प्लस’बाबत भुजबळ म्हणाले…

पुण्यात ५६९६ एवढ्या चाचण्या गुरुवारी झाल्या आहेत. त्यापैकी शहरात ३३३ जणांना नव्याने करोना संसर्ग झाला असून दोन दिवसांपासून शहरात बाधित रुग्ण वाढत आहेत. पिंपरी-चिंचवड मध्ये २४५; तर ग्रामीण भागात ७६४ नवे बाधित आहेत. जिल्ह्यात एकूण १३४२ रुग्ण आढळले आहेत. पुण्यात २५१६, पिंपरी-चिंचवडमध्ये ११४५; तसेच ग्रामीण भागात पाच हजारांहून अधिक रुग्ण सक्रिय असल्याची नोंद करण्यात आली आहे. पुणे शहरात बुधवारच्या तुलनेत गुरुवारी १४१ सक्रिय रुग्णांची वाढ झाली आहे. पुण्यासह पिंपरी-चिंचवडमध्ये गेल्या चोवीस तासांत प्रत्येकी पाच; तर ग्रामीण भागात १४ अशा २४ रुग्णांचा मृत्यू झाला आहे. आतापर्यंत जिल्ह्यात १७ हजार ६७३ रुग्णांनी प्राण गमावले आहेत.

वाचा: धोका पत्करू नका!; निर्बंधांबाबत मुख्यमंत्री ठाकरे यांचे महत्त्वाचे निर्देश

पुण्यात १८७, पिंपरी-चिंचवडमध्ये २३३ आणि ग्रामीण भागात ६६६ रुग्ण २४ तासांत बरे झाले आहेत. पुण्यात बधितांच्या तुलनेत बरे झालेल्यांची संख्या कमी झाली आहे. जिल्ह्यात १००६ रुग्ण बरे झाले आहेत.

पुण्यातील गुरुवारची स्थिती

नवीन रुग्ण : ३३३
बरे झालेले रुग्ण : १८७
दिवसभरात मृत्यू : ५

पिंपरी चिंचवडची स्थिती

नवीन रुग्ण : २४५
बरे झालेले रुग्ण : २३३
दिवसभरात मृत्यू : ५

वाचा: सांगली पालिका हद्दीत अचानक रुग्णवाढ; जिल्हाधिकारी उचलणार कठोर पाऊल



Source link