guillain barre syndrome treatment: Guillain Barre Syndrome Covid लस घेतलेल्या लोकांमध्ये आढळताहेत ‘या’ गंभीर आजाराची लक्षणे, अशी झालीय रुग्णांची अवस्था

0
26


करोना विषाणूपासून संरक्षण व्हावे (Guillain Barre Syndrome Covid) यासाठी जगभरात लसीकरण मोहिमेवर जोर देण्यात येत आहे. देशात दररोज लाखो लोकांना लस देण्यात येत आहे आणि इतक्याच संख्येत लसीकरणासाठी नोंदणीही केली जात आहे. कारण आरोग्य तज्ज्ञही लस घेण्याचा वारंवार सल्ला देताहेत. देशामध्ये डेल्टा प्लस विषाणूची साथ आल्यापासून लसीकरण केंद्रांवर अधिक गर्दी दिसून येत आहे. पण यादरम्यान आणखी एक धक्कादायक बातमी समोर आली आहे.

एका संशोधनात करण्यात आलेल्या दाव्यानुसार, भारतात लस (Covishield Vaccine) घेणाऱ्या व्यक्तींमध्ये गंभीर आजाराची लक्षणे आढळताहेत. शास्त्रज्ञांच्या माहितीनुसार गिलियन-बार सिंड्रोम असे या आजाराचं नाव आहे. हा अत्यंत घातक प्रकारातील आजार आहे. जाणून घेऊया सविस्तर माहिती… (फोटो सौजन्य : istock by getty images)

​गिलियन-बार सिंड्रोम म्हणजे नेमकं काय?

guillain barre syndrome treatment: Guillain Barre Syndrome Covid लस घेतलेल्या लोकांमध्ये आढळताहेत ‘या’ गंभीर आजाराची लक्षणे, अशी झालीय रुग्णांची अवस्था

गिलियन-बार सिंड्रोम हा एक दुर्मिळ आजार आहे. ज्यामध्ये शरीराच्या रोगप्रतिकारक शक्तीमुळेच आरोग्यावर वाईट दुष्परिणाम होत असल्याचं दिसतंय. तसंच रोगप्रतिकारक शक्तीच मज्जातंतूच्या पेशींवरील संरक्षणात्मक आवरणावर हल्ला करते. हा आजार सामान्यत: बॅक्टेरिया किंवा विषाणूजन्य संसर्गामुळे होत असल्याची माहिती आहे. संशोधकांच्या माहितीनुसार, लसीकरणानंतर गिलियन-बार सिंड्रोम पसरण्याची शक्यता फारच कमी आहे. दरम्यान या आजाराने ग्रस्त असलेल्या रुग्णांच्या चेहऱ्याचे स्नायू कमकुवत होतात.

(दातांना कीड का लागते? ही समस्या उद्भवू नये म्हणून अशी घ्या काळजी)

​अर्धांगवायूचा झटका

guillain barre syndrome treatment: Guillain Barre Syndrome Covid लस घेतलेल्या लोकांमध्ये आढळताहेत ‘या’ गंभीर आजाराची लक्षणे, अशी झालीय रुग्णांची अवस्था

मज्जातंतूशी (Guillain-Barre Syndrome) संबंधित हा आजार असल्याची माहिती आहे. शास्त्रज्ञांच्या दाव्यानुसार, जर या आजाराच्या लक्षणांकडे दुर्लक्ष केले तर रुग्णास अर्धांगवायूचा झटका देखील येऊ शकतो. संपूर्ण शरीरात हा विषाणू पसरल्यास धोका अधिक वाढण्याची शक्यता आहे.

(मासिक पाळी व पर्यावरण! सॅनिटरी पॅड्समुळे आरोग्यास कोणते दुष्परिणाम होऊ शकतात?)

​या लोकांमध्ये आढळतोय सिंड्रोम?

guillain barre syndrome treatment: Guillain Barre Syndrome Covid लस घेतलेल्या लोकांमध्ये आढळताहेत ‘या’ गंभीर आजाराची लक्षणे, अशी झालीय रुग्णांची अवस्था

मीडिया रिपोर्ट्सनुसार, केरळ राज्यात ‘गिलियन-बार सिंड्रोम’ची सात प्रकरणे समोर आली आहेत. राज्यात सुमारे १.२ दशलक्ष लोकांना अॅस्ट्राझेनेका कोव्हिड १९ वॅक्सिन (AstraZeneca Covid-19 vaccine) देण्यात आलंय. याबद्दल अधिक तपशील येणे बाकी आहे. युरोपियन नियामकांचे (European regulators) म्हणणे आहे की, त्यांनी अॅस्ट्राझेनेकाबाबत अधिक माहिती मिळवण्यासाठी विनंती केली आहे. दरम्यान जगभरात कोट्यवधी लोकांनी लस घेतली आहे, यापैकी काही जणांमध्ये या दुर्मिळ आजाराची लक्षणे आढळत आहे; ही बाब देखील लक्षात घेतली पाहिजे.

एनाल्स ऑफ न्युरोलॉजीमध्ये प्रकाशित करण्यात आलेल्या संशोधनातील माहितीनुसार, भारतात वॅक्सिन घेतल्यानंतर सात जणांमध्ये ‘गिलियन-बार सिंड्रोम’ या दुर्मिळ आजाराची लक्षणे आढळली. या रुग्णांनी कोव्हिशील्ड वॅक्सिनचा पहिला डोस घेतल्याची माहिती आहे. यानंतर १० – २२ दिवसांदरम्यान त्यांच्यामध्ये ‘गिलियन-बार सिंड्रोम’ची लक्षणे आढळली.

(जगण्यासाठी श्वासाचे तंत्र! जाणून घ्या श्वसनमार्ग मोकळा करणारी ‘ही’ योग क्रिया)

​’गिलियन-बार सिंड्रोम’ची लक्षणे

guillain barre syndrome treatment: Guillain Barre Syndrome Covid लस घेतलेल्या लोकांमध्ये आढळताहेत ‘या’ गंभीर आजाराची लक्षणे, अशी झालीय रुग्णांची अवस्था

चालताना अडचण निर्माण होणे

हाता-पायांमध्ये मुंग्या येणे (अर्धांगवायू)

श्वास घेण्यास त्रास होणे

डोळ्यांना धुसर दिसणे

बोलण्यात अडथळे निर्माण होणे

घास गिळताना किंवा चघळताना त्रास होणे

लघवी करताना त्रास होणे

हृदयाचे ठोके वाढणे

बद्धकोष्ठता

चेहऱ्याचे स्नायू कमकुवत होणे

(रक्ताच्या गुठळ्या का होतात? ही समस्या टाळण्यासाठी काय करावे, जाणून घ्या सविस्तर)

​पहिल्या महामारीच्या लसीकरणादरम्यानही आढळली होती ही माहिती

guillain barre syndrome treatment: Guillain Barre Syndrome Covid लस घेतलेल्या लोकांमध्ये आढळताहेत ‘या’ गंभीर आजाराची लक्षणे, अशी झालीय रुग्णांची अवस्था

रॉयटर्सच्या माहितीनुसार, १९७६मध्ये अमेरिकेमध्ये स्वाइन फ्लूच्या प्रादुर्भावादरम्यान आणि २००९मध्ये H1N1 फ्लूची साथ आटोक्यात आणण्यासाठी लसीकरण मोहीम सुरू करण्यात आली होती. यादरम्यान अशाच स्वरुपात गंभीर आजाराची लक्षणे आढळून आली होती.

झिका व्हायरसच्या संसर्गादरम्यान ही प्रकरणे नोंदवली गेली होती. ‘गिलियन-बार सिंड्रोम’ हा एक दुर्मिळ आजार आहे, ज्यामध्ये शरीराची रोगप्रतिकारक क्षमताच आरोग्यास हानिकारक ठरत असल्याची माहिती आहे.

संशोधकांच्या माहितीनुसार, करोना विषाणूपासून संरक्षण व्हावे यासाठी देण्यात येणारी लस सुरक्षित आहे. पण यानंतर आपल्याला प्रत्येक यंत्रणेकडे लक्ष देणे आवश्यक आहे. या सिंड्रोमची कोणतीही लक्षणे आढळल्यास उशीर न करता डॉक्टरांचा सल्ला नक्की घ्यावा.



Source link