Jayant Patil on Phone Tapping: ईडी, CBI कडून आमदारांचे फोन टॅपिंग?; विधानसभेत चौकशीची मागणी – ph water resources minister jayant patil demands inquiry in phone tapping by central agencies

0
18


हायलाइट्स:

  • नाना पटोलेंच्या तक्रारीनंतर आमदारांना ‘फोन टॅपिंग’ची धास्ती
  • राष्ट्रवादी काँग्रेसनं केली चौकशीची मागणी
  • गृहमंत्र्यांनी ईडी व अन्य यंत्रणांकडे चौकशी करावी – जयंत पाटील

मुंबई: काँग्रेसचे प्रदेशाध्यक्ष नाना पटोले यांनी विधानसभेत बोलताना फोन टॅपिंगची तक्रार केल्यानंतर या प्रकाराच्या चौकशीची मागणी राष्ट्रवादी काँग्रेसनं केली आहे. ‘केंद्र सरकारी तपास यंत्रणा जर विधिमंडळ सदस्यांच्या अभिव्यक्ती स्वातंत्र्यावर गदा आणण्याचं काम करत असतील, तर त्याबाबत योग्य ती पावलं उचलून चौकशी झाली पाहिजे,’ अशी मागणी राष्ट्रवादी काँग्रेसचे प्रदेशाध्यक्ष तथा जलसंपदा मंत्री जयंत पाटील यांनी आज विधानसभा अध्यक्षांकडे केली.

‘२०१६-१७ मध्ये माझा फोन टॅप करण्यात आला होता व माझ्या हालचालींवर लक्ष ठेवण्यात आलं होतं. अमजद खान असा माझ्या नावाचा कोड ठेवण्यात आला होता, अशी खळबळजनक माहिती पटोले यांनी आज सभागृहात दिली. जयंत पाटील यांनी या प्रकाराबद्दल तीव्र चिंता व्यक्त केली.

वाचा: भाजपच्या ‘त्या’ आमदारांवरही कारवाई करा; राष्ट्रवादी आक्रमक

‘अलीकडच्या काळात वर्तमानपत्रात आणि विरोधी पक्षातील लोकांकडून ‘याच्या मागे ईडी लावतो, त्याच्या मागे सीबीआय लावतो’ अशी वेगवेगळी विधानं ऐकायला मिळतात. त्यामुळं मंत्री म्हणून नव्हे तर सभागृहाचा सदस्य म्हणून मी एक बाब निदर्शनास आणू इच्छितो. सभागृहातील सदस्यांचे फोन महाराष्ट्राबाहेरची एखादी तपास यंत्रणा टॅप करत असेल तर त्यांचं संरक्षण करणं ही अध्यक्ष म्हणून आपली जबाबदारी आहे. सीबीआय, एनआयए किंवा ईडीकडून राज्याच्या सभागृहातील किती सदस्यांचे फोन टॅप केले जात आहेत, त्याबाबत राज्याच्या गृहमंत्र्यांनी माहिती घ्यावी किंवा चौकशी करावी, अशी मागणी जयंत पाटील यांनी केली.

वाचा:माझा फोन टॅप करून अमजद खान नावाचा कोड ठेवला; पटोलेंचा आरोप



Source link