Tuesday, June 22, 2021
Homeमनोरंजनमलायकाची पार्टी पण हॉट लुकमुळे गौरी खान व करीना कपूर जोमात, बाकी...

मलायकाची पार्टी पण हॉट लुकमुळे गौरी खान व करीना कपूर जोमात, बाकी सगळे कोमात

शासननामा न्यूज ऑनलाईन

बॉलिवूड अभिनेत्रींच्या स्टायलिश लुकबाबत सांगायचे झाल्यास, एकाच वेळेस चाहत्यांना मादक, मोहक आणि आकर्षक सौंदर्य असे परिपूर्ण रूप पाहायला मिळतं. बॉलिवूडमधील तारका आपल्या ड्रेसिंग सेन्समध्ये मोठ्या पडद्यावर वेगवेगळे प्रयोग करत असतातच, पण खासगी आयुष्यातही अभिनेत्री आकर्षक पद्धतीचे आउटफिट्स परिधान करतात. या सेलिब्रिटींचं रूप इतकं मोहक असते की त्यांच्या चेहऱ्यावरून नजर दुसरीकडे वळणारच नाही.

कारण या अभिनेत्रींच्या लुकमध्ये नेहमीच ग्लॅमरस टच पाहायला मिळतो. बॉलिवूड अभिनेत्री मलायका अरोराच्या (Malaika Arora) वाढदिवसाच्या पार्टीतही चाहत्यांना असेच काहीसे दृश्य पाहायला मिळाले. अभिनेत्रीच्या बर्थ-डे पार्टीमध्ये कुटुंबातील सदस्यांसह बी-टाउनमधील जवळच्या मित्र-मैत्रिणींनी हजेरी लावली होती.

​मलायकाच्या पार्टीत ‘या’ सेलिब्रिटींनी बाजी मारली

मलायकाची पार्टी पण हॉट लुकमुळे गौरी खान व करीना कपूर जोमात, बाकी सगळे कोमात

मलायका अरोराने आपला ४६वा वाढदिवस मुंबईतील एका मोठ्या हॉटेलमध्ये साजरा केला होता. या पार्टीमध्ये करिश्मा कपूर, श्वेता बच्चन-नंदा, शनाया कपूर, शिल्पा शेट्टी, तारा सुतारिया, अनन्या पांडे, अमृता अरोरा, जान्हवी कपूर, करण जोहर आणि अर्जुन कपूर यांच्यासह अन्य सेलिब्रिटी मंडळी सुद्धा सहभागी झाले होते. दरम्यान पार्टीमध्ये करीना कपूर खान आणि गौरी खानचा स्टायलिश लुक सर्वांवर भारी पडल्याचं पाहायला मिळालं.

मलायकाने बर्थ-डे पार्टीसाठी प्रसिद्ध फॅशन डिझाइनर मनीष मल्होत्राच्या कलेक्शनमधील कस्टम हँडमेड मिनी मिरर वर्क ड्रेस परिधान केला होता. तर गौरी आणि करीनाने असे कपडे परिधान केले होते की ज्यामुळे पार्टीमध्ये सहभागी झालेल्या तरुण अभिनेत्रींचाही लुक फिका पडल्याचं दिसलं.

​करीनाचा ग्लॅमरस लुक

मलायकाची पार्टी पण हॉट लुकमुळे गौरी खान व करीना कपूर जोमात, बाकी सगळे कोमात

आपल्या जिवलग मैत्रिणीच्या पार्टीसाठी करीनाने हटके स्टाइलमधील कपडे परिधान केल्याचे पाहायला मिळालं. बेबोनं काळ्या व पांढऱ्या रंगाचे फुल स्लीव्ह्ज टॉप घातले होते, यावर तिनं लेदरचे हॉट मिनी स्कर्ट मॅच केल्याचं आपण पाहू शकता. बेबोनं झेब्रा क्रॉसिंग स्ट्राइप्स टॉपसह फिटिंग पॅटर्नमधील स्कर्ट परिधान केला होता. करीनाने घातलेला स्कर्ट पूर्णतः लेदरपासून तयार करण्यात आला होता. या आउटफिटमध्ये तिला हॉट लुक मिळालाय.

​करीनाचे हटके स्टायलिंग

मलायकाची पार्टी पण हॉट लुकमुळे गौरी खान व करीना कपूर जोमात, बाकी सगळे कोमात

करीनाने घातलेल्या फुल स्लीव्ह्ज टॉपचे नेकलाइन गोल आकारात होते. या कूल-कॅज्युअल आणि कम्फर्ट पोषाखास क्लासी लुक देण्यासाठी बेबोनं गुलाबी रंगाचे स्टेटमेंट पंप्स हील्स मॅच केले होते. यासह तिनं डायमंड स्टड ईअररिंग्स घातल्याचे आपण पाहू शकता.

मेकअपसाठी करीनाने डार्क टोन फाउंडेशनसह सिल्व्हर आयशॅडो, लाइट टोन लिपस्टिक, बीमिंग हायलाइटर आणि लाइनर अशा ब्युटी प्रोडक्टचा उपयोग केला होता. परफेक्ट लुक मिळावा यासाठी तिनं सॉफ्ट वेव्ह्ज हेअरस्टाइल केली होती.

​गौरी खानचा लय भारी अवतार

मलायकाची पार्टी पण हॉट लुकमुळे गौरी खान व करीना कपूर जोमात, बाकी सगळे कोमात

मलायकाच्या बर्थ-डे पार्टीसाठी बॉलिवूड सुपरस्टार शाहरुख खानची (Shah Rukh Khan) पत्नी गौरी खानने (Gauri Khan) प्रसिद्ध फ्रेंच फॅशन डिझाइनर ‘Alexandre Vauthier’ ने डिझाइन केलेल्या अ‍ॅनिमल प्रिंट ड्रेसची निवड केली होती. या ड्रेसवर तिनं अतिशय साधे पण आकर्षक स्वरुपातील स्टायलिंग केलं होतं.

गौरीचा ड्रेस पूर्णतः क्रेप-विस्कोस आणि स्पॅन्डेक्स यासारख्या मिक्स्ड फॅब्रिकपासून तयार करण्यात आला होता. हे आउटफिट वजनाने अतिशय हलके होते. ड्रेसमध्ये प्लंजिंग नेकलाइनसह थाइस स्लिट डिझाइन सुद्धा जोडण्यात आलं होतं.

​बर्थ-डे पार्टीमध्ये गौरीच्या स्टायलिक लुकची चर्चा

मलायकाची पार्टी पण हॉट लुकमुळे गौरी खान व करीना कपूर जोमात, बाकी सगळे कोमात

गौरीने परिधान केलेल्या पांढरा आणि काळ्या रंगाच्या स्लिट बॉडी फिट ड्रेसचं डिझाइन आकर्षक होतं. ड्रेसवर तिनं प्लेटफॉर्म सँडल आणि सुंदर नेकलेस मॅच केले होते. कर्ल हेअरस्टाइलमुळे तिला सुंदर लुक मिळालाय. यासह तिनं डार्क फाउंडेशन, लाइट टोन लिपस्टिक, ड्रमॅटिक आईज असा ग्लॅमरस पद्धतीचा मेकअप केला होता. दरम्यान हे डिझाइनर आउटफिट प्रचंड महागडे होते.

‘Alexandre Vauthier’ ने डिझाइन केलेल्या या ड्रेसची किंमत २ हजार ११२ डॉलर म्हणजे भारतीय चलनानुसार जवळपास १ लाख ४९ हजार ९५२ रूपये एवढी होती.

Source link

RELATED ARTICLES

LEAVE A REPLY

Please enter your comment!
Please enter your name here

Most Popular

Recent News

Shasannama News

FREE
VIEW