मुंबई | शासननामा न्यूज ऑनलाईन

नरेंद्र मोदींना (Narendra Modi) तिसऱ्यांदा पंतप्रधान बनवायचे हा आपला संकल्प आहे, मोदींना पंतप्रधान बनवणे हे भाजपसाठी नाही भारतासाठी महत्वाचे आहे असं वक्तव्य राज्याचे उपमुख्यमंत्री आणि भाजपचे नेते देवेंद्र फडणवीस (Devendra Fadanvis) यांनी केलं. भाजप हा मोठा भाऊ आहे त्यामुळे आवश्यकतेप्रमाणे त्याग करावा लागेल असंही ते म्हणाले. भाजपच्या कार्यकर्त्यांना मार्गदर्शन करताना त्यांनी हा संदेश दिला. 

मोदीजी अटलबिहारी वाजपेयींचे स्वप्न पूर्ण करण्यासाठी काम करत आहेत. मिशन 2024 हे भाजपपेक्षा भारतासाठी महत्त्वाचे आहे. आम्ही नेहमीच म्हणतो की आम्ही देशासाठी त्याग करण्यास सक्षम कामगार आहोत. लोकशाहीच्या माध्यमातून देशाला सर्वोच्च पातळीवर नेण्यासाठी संघर्ष केला पाहिजे. यासाठी आपण त्याग करू शकतो. मोदींना पुन्हा एकदा पंतप्रधान व्हायचे आहे

देवेंद्र फडणवीस म्हणाले की, गेल्या 9 वर्षात भारत बदलला आहे, भारतातील लोक गरिबीच्या वरती आले आहेत. कुपोषित लोकांचा देश म्हणवणारा भारत 9 वर्षात बदलला, असे ते म्हणाले. भारताने प्रगतीचा वेग वाढवला आहे. माझ्या पुढील कार्यकाळात मी देशाच्या अर्थव्यवस्थेचा विस्तार करेन, असे मोदीजी म्हणाले. जेव्हा अर्थव्यवस्था विस्तारते तेव्हा आपण प्रगतीकडे जातो.

जी 20 च्या माध्यमातून आपले पंतप्रधान पुढे चालत होते आणि बलाढ्य देशाचं लोक मागून चालत होते असे फडणवीस यांनी सांगितलं. ते म्हणाले की, आपल्या बाजूच्या देशाची अवस्था अत्यंत वाईट आहे. श्रीलंका, बांगलादेश या सर्व देशाना आपली मदत घ्यावी लागते. जगाच्या पाठीवर आपल्या पंतप्रधान यांना बॉस म्हटलं जाते. मोदींजीनी जो भारत तयार केला त्याशिवाय आता कुणाचे चालणार नाही. म्हणून आपल्या पाठीशी सर्व उभे आहे. काही शक्ती यामुळे घाबरल्या आहेत. ही वाटचाल कशी थांबवता येईल यासाठी प्रयत्न करत आहेत. आपल्या देशातील काही जण त्याला बळी पडत आहेत.