(मुंबई तुंबताच अमृता फडणवीसांची शायरी, शिवसेनेला टोमणा देत म्हणाल्या…  )

‘दोन मोठ्या माणसाच्या भेटीत काय घडलं असले हे सांगता येणार नाही. वाघाची दुश्मनी आमची कधीच नव्हती. त्यांची जुनी मैत्री ही मोदींशी आहे. फडणवीस आणि पाटलांनी पटत नाही. जर आमच्याशी मैत्री असती तर 18 महिन्यांपूर्वी आमचं सरकार आलं असतं, असंही पाटील म्हणाले.

‘उद्धव ठाकरे यांचं पंतप्रधान नरेंद्र मोदी यांच्याशी चांगलं जमतंय पण आमच्याशी का जमत नाही माहित नाही, पण आमच्या वरिष्ठ नेत्यांनी जर आदेश दिले तर वाघाशी दोस्ती करायला आम्ही कधीही तयार आहोत’ असं सूचक विधानही पाटलांनी केलं.

तसंच, या भेटीदरम्यान त्यांनी केलेल्या काही मागण्यांचं स्वागत करतो पण मराठा आरक्षण संबंधीची मागणी ही दिशाभूल करणारी आहे. केंद्राकडे आणि मोदींकडे आरक्षणाचा काहीच मुद्दा नाही. सुप्रीम कोर्टाने निर्णय दिलेला आहे. पण, केंद्राने यावर मार्ग काढण्यास प्रयत्न करण्याचे सांगितलं आहे. पण मराठा आरक्षण आणि केंद्राचा काहीच संबंध नाही तो राज्य सरकारचा अधिकार आहे’ अशी टीका पाटील यांनी केली.

प्रदेशाध्यक्ष श्री. चंद्रकांतदादा पाटील यांचा पत्रकारांशी संवाद. https://t.co/TDi4zXSy1o

— Chandrakant Patil (@ChDadaPatil) June 9, 2021

‘मराठा समाजाला मागास असल्याचे दाखवावे लागणार आहे. जर गायकवाड समितीचा अहवाल रद्द झाला नसता तर राज्य सरकारला अधिकार आहे की नाही हा मुद्दा आला असता. राज्याला अधिकार असले काय आणि केंद्राला अधिकार असले काय, मराठा समाज हा मागास आहे, हे दाखवावेच लागणार आहे, राज्य सरकारने मागास वर्ग आयोग नेमून मराठा समाजाला आरक्षण द्यावं. त्यासाठी सरकारला खूप मेहनत घ्यावी लागेल उगीचं केंद्राकडे जाऊन जनतेची दिशाभूल करू नये. त्यामुळे सरकारकडून ही धुळफेक झाली आहे’ असंही पाटील म्हणाले.

‘मोदींनी लसीकरण मोफत केल्याने राज्य सरकारचे सहा हजार कोटी वाचणार आहेत त्यापैकी 3 हजार कोटी मराठा समाजाला पॅकेज म्हणून द्यावेत, अशी मागणीही पाटील यांनी केली.