आजच्या काळातील लोक वेळेआधीच म्हातारी होऊ लागली आहेत. धकाधकीच्या आयुष्यात लोक वेळेआधीच थकलेलं फिल करू लागले आहेत. अशी तर याचे अनेक कारणे असू शकतात पण खरं कारण आहे ते म्हणजे तुमची जीवनशैली व सवयी. विज्ञानाच्या अनुसार रोजच्या जीवनातील काही सवयी आहेत ज्यामुळे तुमचे वय वेळेआधीच वाढते आहे. तज्ञांच्या म्हणण्यानुसार अशा बर्‍याच सवयी असतात ज्या आपल्या त्वचेवर सर्वात प्रथम परिणाम करतात.

आपण अनुवांशिकदृष्ट्या आपल्यात असलेल्या गोष्टी बदलू शकत नाही पण तरूण आणि एनर्जेटिक दिसण्यात मदत करणा-या घटकांना नियंत्रित नक्कीच करू शकता. आज येथे आम्ही त्या सवयींकडे आपले लक्ष वेधणार आहोत, ज्याकडे आयुष्यात आपण कधीच लक्ष देत नाही पण ज्यामुळे वयाआधीच वृद्धत्व आपल्या चेह-यावर दिसू लागते.

धुम्रपान

आठ वर्षांपूर्वी केलेल्या एका अभ्यासात हे सिद्ध झाले आहे की सिगारेट ओढल्यामुळे आपले वय जास्त दिसून येते. जर्नल ऑफ प्लॅस्टिक अँड रिकंस्ट्रक्टिव सर्जरी मध्ये (Plastic and Reconstructive Surgery) प्रकाशित केलेल्या अभ्यासात, हे सिद्ध करण्यासाठी संशोधकांनी ७२ जुळ्या मुलांना समाविष्ट केले. धूम्रपान करणार्‍या मुलांच्या चेह-यावर वृद्धत्वाची चिन्हे दिसू लागली. धूम्रपान करणार्‍यांच्या पापण्या निस्तेज झाल्या होत्या आणि त्यांच्या तोंडात आजुबाजूच्या भागात अनेक सुरकुत्या पडल्या होत्या.

तणाव

आपण हे बर्‍याच वेळा ऐकले असेल की तणाव एखाद्या व्यक्तीस वृद्ध बनवतो. हार्वर्ड हेल्थच्या रिपोर्ट मध्ये असे म्हटले आहे की टेलेमोरिस क्रोमोसोमच्या पाय-या असतात. खरं तर जस जसे आपण म्हातारे होतो तस तसे डीएनएच्या तोंडावर असलेली एक लहान टोपीवर सुरकुत्या पडण्यास सुरवात होते. डीएनएच्या या छोट्या कॅपलाच टेलोमेर म्हणतात. हे बुटांच्या लेसच्या शेवटी असलेल्या प्लास्टिकसारखे असते. जेव्हा हे टेलोमेर कमी होतात तेव्हा पेशी मरण्यास सुरवात होते. क्रॉनिक स्ट्रेसमुळे लहान टेलोमेर बनतात, ज्यामुळे लोकांना हृदयरोग आणि कर्करोग सारख्या मोठ्या आजारांचा धोका संभवतो.

अपुरी झोप

स्लीप एपनियाच्या लोकांचे वय इतर लोकांपेक्षा वेगाने वाढते. त्यांच्या चेह-यावर वेळेआधीच वृद्धत्वाच्या खुणा दिसू लागतात. नुकत्याच झालेल्या एका अभ्यासानुसार रात्रीची चांगली झोप तुम्हाला जास्त काळ तरूण ठेवू शकते. हे चेहर्‍यावरील फाइन लाइन्स कमी करण्यास देखील मदत करते. म्हणूनच प्रत्येक व्यक्तीने कमीत कमी आठ तासांची झोप घेणं अत्यंत आवश्यक आहे.

व्यायाम न करणं

जर आपण व्यायाम करण्यास आळस करत असाल तर सावध व्हा. कारण व्यायामाचा अभाव देखील लोकांना लवकर वृद्ध बनवत आहे. वास्तविक व्यायामाच्या अभावामुळे शरीरात लवचिकता राहत नाही ज्यामुळे भविष्यात बर्‍याच समस्या उद्भवतात. जसे की सांधेदुखी किंवा स्नायूदुखी. योग आणि पिलेट्स सारख्या व्यायामामुळे आपले स्नायू आणि सांधे सैल होऊ शकतात. म्हणून नियमित व्यायामाची सवय लावून घ्या.

सुर्यप्रकाश

तुमचा विश्वास नाही बसणार पण सन टॅनिंगमुळे आपल्या चेहर्‍यावर सुरकुत्या येऊ शकतात. Yale Medicineच्या रिपोर्ट मध्ये नोंदवले गेले आहे की सूर्याच्या किरणांमुळे तुमच्या त्वचेचे नुकसान होऊ शकते. जरी आपल्याला जळजळ होत नसली तरीही सूर्यामुळे अकाली वृद्धत्व येऊ शकते ज्यास आपण फोटोएजिंग म्हटलं जातं. यामुळे त्वचेचा कर्करोग होण्याची शक्यता वाढते. म्हणून जास्त काळ उन्हात राहणे टाळा.

कमी हसू

चेहर्‍यावरील आनंद आपल्याला आयुष्यभर चिरतरूण ठेवतो पण जर आपण असे केले नाही तर इच्छा नसतानाही चेह-यावर वृद्धत्व दिसू लागते. तज्ज्ञांच्या मते, हसण्याने काळानुसार दिसू लागलेल्या सुरकुत्या कमी होतात. हसू आपल्याला आनंदी ठेवते आणि जगण्याची उर्जा देते. वयाआधी म्हातारं दिसणं टाळायचं असल्यास येथे नमूद केलेल्या आपल्या सवयी सुधारा. सकारात्मक विचार करण्याने, व्यायाम केल्याने आणि सतत हसतमुख राहिल्याने आपल्या चेह-यावर वयाचा परिणाम कधीही दिसणार नाही.