करीना कपूर (kareena kapoor fashion) एक अशी अभिनेत्री आहे, जिला विशेष अशा परिचयाची अजिबात आवश्यकता नाही. यासाठी तिचे नावच पुरेसं आहे. चर्चा चित्रपटांची असो किंवा फॅशनची, ही अभिनेत्री आजही तरुण अभिनेत्रींवर भारी पडत असल्याचं दिसतं.

म्हणूनच पतौडी घराण्यात सून म्हणून प्रवेश केल्यानंतरही करीनाची स्वतःची असलेली खास ओळख आजही जशीच्या तशीच आहे. बेबो आजही बॉलिवूडमधील दमदार आणि शानदार अभिनेत्रींच्या यादीमध्ये अव्वलस्थानी आहे. तिच्या याच रूपाची झलक नणंद सोहा अली खानच्या पुस्तक प्रकाशनाच्या कार्यक्रमातही पाहायला मिळाली होती. या कार्यक्रमात करीना पाहुणी म्हणून हजर राहिली होती. (फोटो सौजन्य : इंस्टाग्राम@poonamdamania आणि इंडियाटाइम्स)

​पतौडी कुटुंबीयांची हजेरी

अभिनेत्री सोहा अली खानला बॉलिवूडमध्ये ‘ब्युटी विथ ब्रेन’ असं म्हटलं जातं. या अभिनेत्रीचं भाषेवर सुंदर प्रभुत्व आहे, तिनं एक पुस्तकही लिहिले आहे. याच पुस्तकाच्या प्रकाशन सोहळ्यात तिनं आपल्या जवळच्या मित्र-मैत्रिणींना आणि कुटुंबातील सदस्यांना आमंत्रित केले होते. सोहाची आई शर्मिला टागोर यांनीही कार्यक्रमास हजेरी लावली होती.

​सोहाचा क्युट टॉप आणि जीन्स लुक

मोहकता आणि साधेपणा पसंत असणाऱ्या सोहाने या खास क्षणासाठी ग्लॅमरस लुकऐवजी साध्या लुकचीच निवड केली होती. तिनं करड्या व पांढऱ्या रंगाचे कॉम्बिनेशन असणारा पेपलम टॉप परिधान केला होता, टॉपवर पिवळ्या रंगाची बॉर्डर होती. टॉपवर तिनं वॉश्ड पॅटर्न निळ्या रंगाची नॅरो हेमलाइन जीन्स घातली होती.

​करीनाचा स्पार्कली लाल रंगाचा ड्रेस

करीनाने (kareena kapoor style) आपल्या स्टायलिश लुकने कार्यक्रमात सहभागी झालेल्या सर्वांचंच लक्ष वेधून घेतलं. या अभिनेत्रीनं नणंद सोहा अली खानने लिहिलेल्या पुस्तक प्रकाशनाच्या कार्यक्रमात लाल रंगाचा स्पार्कली पॅटर्नमधील ड्रेस परिधान केला होता. हे आउटफिट बॉडीकॉन फिटिंग पॅटर्नमधील होते. सिल्क आणि शिफॉन फॅब्रिकपासून हा ड्रेस तयार करण्यात आला होता.

​कट-आउट डिझाइनमुळे मिळाला बोल्ड लुक

करीना कपूरने परिधान केलेला एम्बेलिश्ड ड्रेस रेड कार्पेट इव्हेंटसाठी परफेक्ट निवड ठरू शकतो. या आकर्षक ड्रेसमध्ये जुल नेकलाइनसह पुढील बाजूस कट-आउट डिझाइन आपण पाहू शकता. या डिझाइनमुळे करीनाला बोल्ड व हॉट लुक मिळाला आहे.

​करीनाच्या लुकमधील एक-एक गोष्ट होती कमाल

^{करीनाच्या लुकमधील एक-एक गोष्ट परफेक्ट होती. ड्रेसचं फॅब्रिक चमकदार असल्याने अभिनेत्रीनं डायमंड रिंगव्यतिरिक्त अन्य ज्वेलरी मॅच करणं टाळलं. लाइट टोन मेकअपमुळे तिला आकर्षक लुक मिळालाय. लाइट वेव्ह्ज हेअरस्टाइलमध्ये ती एकदम कूल दिसतेय. अभिनेत्रीने आउटफिटवर काळ्या रंगाचे एम्बेलिश्ड स्ट्रॅप हील्स घातले होते.}

​ड्रेसची किंमत

स्टायलिश व ग्लॅमरस लुक मिळावा यासाठी करीना भरपूर पैसे खर्च करते. बेबोनं हे आउटफिट सुद्धा न्यू यॉर्कमधील फॅशन डिझाइनर बिभु मोहपात्राच्या Fall 2017 कलेक्शनमधून खरेदी केले होतं. मिळालेल्या माहितीनुसार या ड्रेसची किंमत जवळपास ५ लाख ४० हजार रूपये एवढी होती.