[ad_1]
पण जर मुलांचे केस पातळ असतील तर केस घनदाट कसे होतील हा प्रश्न प्रत्येक आईला सतावतो. मुलांचे केस जाड व लांब हवे असतील तर काही घरगुती पद्धतींचा देखील तुम्ही वापर करू शकता. प्रत्येक आई या सोप्या टिप्स फॉलो करू शकते. या टिप्स नेमक्या कोणत्या हे आपण या लेखाच्या आधारे जाणून घेणार आहोत.
पोषक आहार
मुलांच्या शारीरिक वाढीमध्ये महत्त्वपूर्ण भूमिक असते ती पोषक आहाराची. वाढत्या वयानुसार मुलांना पोषक तत्त्वांची अधिक गरज भासते. आईने त्यानुसार मुलांच्या आहारामध्ये बदल करणं गरजेचं आहे. आईने मुलांसाठी पोषक तत्त्वांचा समावेश असलेला आहार तयार करणं महत्त्वाचं आहे. केसांच्या वाढीसाठी व्हिटॅमिन ए आणि बीची अधिक गरज असते. व्हिटॅमिन ए आणि बीचा समावेश असलेले पदार्थ मुलांना नियमित देणं केसांसाठी अधिक फायदेशीर ठरू शकतं. धान्य, पपई, गाजर आदी पदार्थ केसांच्या वाढीसाठी उत्तम मानले जातात. हे पदार्थ तुमच्या स्वयंपाक घरात देखील तुम्हाला सहज उपलब्ध होतील.
नेहमी मसाज करा
टाळू, केसांचा नियमित मसाज केल्याने केस मऊ, लांबसडक होण्यास मदत मिळते हे आपण बऱ्याचदा ऐकत आलो आहोत. प्रत्येक वयोगटातील व्यक्तींना तज्ज्ञांकडून अथवा डॉक्टरांकडून हा सल्ला दिला जातो. बाळासाठी देखील हा उपाय उपयुक्त ठरू शकतो. टाळूला नियमित मसाज केल्याने रक्तप्रवाह देखील सुरळीत होतो. तसेच टाळूवरील त्वचेला भरपूर प्रमाणात पोषण तत्त्वांचा पुरवठा होतो. तुम्ही नारळाचं तेल किंवा बदामाच्या तेलाने बाळाच्या टाळुचे मसाज करू शकता.
टाळू स्वच्छ ठेवा
इतर मुलांप्रमाणे आपल्या मुलांचे केस देखील जाड आणि घनदाट असावे असा विचार आईच्या मनात एकदा तरी येतोच. यासाठी अधिक मेहनत न घेता तुम्ही घरगुती उपाय करू शकता. नियमित आपल्या बाळाच्या टाळूची स्वच्छता ठेवा. यामुळे टाळूवर धुळ किंवा इतर दुर्गंध जमा होणार नाही. तसेच मुलांना सतत घाम येत असेल तर टाळूवर बॅक्टेरियाचे प्रमाण वाढते. यासाठी तुम्ही चांगल्या ब्रॅण्डचे बेबी शॅम्पू वापरू शकता. प्रत्येक दोन ते तीन दिवसांनी मुलांचे केस शॅम्पूने स्वच्छ धुवा. यामुळे केस आणि टाळू खराब होणार नाही. तसेच यावर दुर्गंध देखील जमा होणार नाही.
(मास्क न घालता देखील सुरक्षित राहू शकतात मुलं, फक्त ‘ही’ १ गोष्ट ठेवा कायम लक्षात!)
घरगुती उपाय उपयुक्त
तुम्ही दही, अंड आणि जास्वंदापासून घरगुती कंडिशनर तयार करू शकता. हे तयार कंडिशनर तुम्ही मुलांच्या केसांसाठी वापरू शकता. यामुळे केसांना पोषक तत्त्वांचा भरपूर प्रमाणात पुरवठा होतो. आठवड्यातून एकदा तरी मुलांच्या केसांना कंडिशनर लावणं गरजेचं आहे. यामुळे केसांची वाढ होण्यास मदत मिळू शकते. तसेच केस खराब देखील होणार नाहीत. त्याचबरोबरीने मुलांचे केस धुतल्यानंतर टॉवेलने अगदी जोर लावून केस पुसू नका. हलक्या हाताने मुलांचे केस सुकवा. हलक्या हाताने केस न पुसल्यास केसांची मुळ कमजोर होण्यास सुरुवात होते.
(डिलिव्हरीनंतर झटपट वेट लॉससाठी नाश्तामध्ये करा ‘या’ गोष्टींचा समावेश, काही दिवसांमध्येच व्हाल स्लिम)
हेअर कट उत्तम पर्याय
बाळाच्या मऊ आणि नाजुक केसांसाठी नरम दात असलेला कंगवा वापरा. केसांना तसेच टाळुला त्रास होईल अशाप्रकारच्या कंगव्याचा वापर करणं शक्यतो टाळा. त्याचबरोबरीने नियमित हेअर कट करणं देखील गरजेचं आहे. नियमित हेअर कट केल्याने नव्या केसांची वाढ होण्यास मदत मिळते. तसेच टाळू देखील स्वच्छ राहण्यास मदत मिळते. मुलांचे केस हेल्दी हवे असतील तर हेअर कट हा उत्तम पर्याय आहे. प्रत्येक आईने या सोप्या टिप्स फॉलो केल्या तर मुलांच्या केसांची वाढ आपसुकच होईल.
(१ वर्षाच्या मुलांना आठवडाभर द्या ‘हे’ खास खाद्यपदार्थ, उंची व वजन वाढीला लागणार नाही ब्रेक)
घनदाट केसांसाठी उपाय
– केसांना पोषक तत्त्वांचा पुरवठा होणं अधिक गरजेचं आहे. यासाठी नारळाचं तेल अधिक फायदेशीर ठरू शकतं. यामुळे टाळू स्वच्छ राहण्यास मदत मिळते. तसेच केसांची वाढ देखील होते. रोज नारळाच्या तेलाने टाळूचा मसाज करा.
– तसेच टाळूला कोरफड जेलने देखील तुम्ही मसाज करू शकता. १५ ते २० मिनिटं कोरफड जेल केसांना लावून ठेवा. त्यानंतर बाळाचे केस स्वच्छ धुवा.
– वरील साऱ्या टिप्स फॉलो करण्यापूर्वी ओळखीच्या डॉक्टरांचा आवश्य सल्ला घ्या.
(करोना काळात मुलांची इम्युनिटी व हिमोग्लोबिन वाढवायचं असेल तर नक्की बनवा ‘ही’ आरोग्यवर्धक रेसिपी!)
[ad_2]
Source link