बॉलिवूड अभिनेत्री कृति सेनॉनची बहीण नुपूर सेनॉन अद्याप रूपेरी पडद्यापासून दूर आहे. असे असलं तरीही सोशल मीडियाच्या माध्यमातून नुपूरला प्रचंड लोकप्रियता मिळाली आहे. नुपूर आपले मोहक – आकर्षक फोटो व व्हिडीओ चाहत्यांसोबत शेअर करत असते. यामुळेच तिची लोकप्रियता दिवसेंदिवस वाढतेय. (kriti sanon sister nupur sanon hot look

फॅशनेबल लुकमधील तिचे वेगवेगळे फोटो नेटकऱ्यांना घायाळ करतात. नुपूरच्या स्टायलिश अवताराची झलक नुकतेच एका व्हिडीओद्वारे पुन्हा एकदा पाहायला मिळाली. बोल्ड टॉपमधील तिच्या मादक अदा पाहून चाहत्यांनी तिच्यावर कौतुकाचा वर्षाव केलाय. (सर्व फोटोंचे क्रेडिट : इंस्टाग्राम @nupursanon)

​कृति सेनॉनच्या बहिणीचा बोल्ड लुक

नुपूरनं डेनिमचा ड्रेस परिधान केल्याचे आपण या फोटोमध्ये पाहू शकता. बहुतांश वेळा पारंपरिक पोषाख घालणाऱ्या नुपूरचे हे आउटफिट प्रचंड शानदार व फॅशनेबल दिसत आहे. ड्रेसच्या रंगापासून ते डिझाइनपर्यंत सारं काही कमालच दिसतंय. सोशल मीडियावर नुकतेच शेअर केलेल्या व्हिडीओमध्ये तिच्या बोल्ड व हॉट अदा चाहत्यांना पाहायला मिळाल्या.

​ऑफ शोल्डर टॉपमधील नूपुरचा हॉट लुक

नुपूर सेनॉन या ऑफ शोल्डर डेनिम टॉपमध्ये सुंदर दिसतेय. स्वीटहार्ट कट नेकलाइन डिझाइनमुळे तिला बोल्ड व हॉट लुक मिळाला आहे. नुपूरने टॉपच्या रंगाला शोभून दिसणारी डिस्ट्रेस्ड जीन्स घातली होती. तसंच तिनं लाइट टोन मेकअप केला होता आणि लाल रंगाचे लिपस्टिक लावलं होतं, ज्यामुळे तिचं सौंदर्य अधिकच खुललं आहे.

​चाहत्यांनी केला कौतुकाचा वर्षाव

कमीत कमी ज्वेलरी, सिल्की हेअर आणि बोल्ड टॉप लुकमध्ये नूपुर इतकी सुंदर दिसत होती की नेटकऱ्यांनी तिच्या फोटोवर कौतुकाचा अक्षरशः वर्षाव केला. ‘मोस्ट ब्युटीफुल सेनॉन’, ‘सुंदर’, ‘अति सुंदर’ आणि ‘मोहक’ अशा प्रतिक्रिया लोकांनी तिच्या फोटोवर केल्या.

​पांढऱ्या रंगाच्या ड्रेसमध्ये दिसत होती अप्सरा

वेस्टर्न आउटफिट्सप्रमाणे नुपूर पारंपरिक कपड्यांमध्ये सुंदर दिसते. पारंपरिक वेशभूषेमधील तिची स्टाइल चाहत्यांना प्रचंड आवडते. नुपूरने पांढऱ्या रंगाचा ऑफ शोल्डर टॉप आणि त्यावर शीयर मटेरिअलपासून तयार केलेले जॅकेट घातलं होतं. बेल स्लीव्हजमुळे आउटफिटला हटके लुक मिळाला आहे. आउटफिटमध्ये शराराचाही समावेश होता. नूपुरने ड्रेसवर स्टेटमेंट ईअररिंग्स मॅच केले होते.

​ऑफ शोल्डर ड्रेसमधील ग्लॅमरस लुक

कपड्यांना ग्लॅमरस टच कसा द्यायचा, याचीही चांगलीच माहिती नुपूरला ठाऊक आहे. तिच्या ग्लॅमरस लुकची झलक आपण या फोटोमध्ये पाहू शकता. गडद करड्या रंगाचा शिमरी ड्रेसमध्ये तिचे मोहक रूप अधिकच खुलले आहे. या शॉर्ट ड्रेसमध्ये लेअर्स आणि रफल्स डिझाइन जोडण्यात आले आहे. तर ड्रेसमधील ऑफ शोल्डर नेकलाइन डिझाइनमुळे आउटफिटला हॉट लुक मिळाला आहे. परफेक्ट लुक मिळावा यासाठी नूपुरने वेवी हेअरस्टाइल, फ्रुटी मेकअप, नो-ज्वेलरी लुक कॅरी केला होता.

​बोल्ड आणि क्युट लुक

नूपुर सेनॉनच्या बोल्ड आणि क्युट लुकची झलक तुम्हाला या फोटोमध्ये पाहायला मिळेल. या फोटोमध्ये तिनं पांढऱ्या रंगाचा कट आउट टॉप परिधान केल्याचं दिसतंय. डीप व्ही-कट नेकलाइनमुळे नुपूर हॉट दिसतेय. तर ज्वेलरी आणि हेअरस्टाइलमुळे तिला क्युट लुक मिळालाय.