वडिलांना वेळ देऊन त्यांच्याशी संवाद साधा

बहुतांश घरांमध्ये मुले आपल्या आईसोबत मनमोकळेपणा गप्पा मारतात, तिच्याशी संवाद साधतात. पण वडिलांशी एखादी गोष्ट मुक्तपणे बोलायची असेल मुलांना थोडीशी भीती वाटते. वडिलांसोबत मोकळेपणाने संवाद घडत नाही. कोणतेही दडपण न बाळगता वडिलांनाही तुमचा वेळ द्या. एकमेकांसोबत गोष्टी शेअर करण्यास सुरुवात करा. वडिलांसोबत कुठेतरी बाहेर फिरायला जा. मित्रमैत्रिणींऐवजी बाबांसोबत मॉर्निंग वॉक अथवा संध्याकाळी एखादा फेरफटका मारावा. या गोष्टी नियमित केल्यास तुमचे व बाबांचे नातं नक्कीच दृढ होईल.

​वडिलांना सरप्राइज द्या

एखाद्याला खूश करायचं असेल तर त्यांचा मार्ग पोटातून जातो, असे म्हणतात. बाबा कामावरून घरी येताना तुमच्या आवडीचे खाद्यपदार्थ आणत असत, लहानपणाची ही आठवण प्रत्येकाचीच असेल. स्वतःची हौसमौज कमी करून बाबांनी तुमच्या सर्व इच्छा पूर्ण केल्या. आता बाबांचे खाण्यापिण्याचे लाड पुरवण्याची जबाबदारी तुमची आहे. त्यांच्या आवडीचे खाद्यपदार्थ तुम्ही स्वतः घरामध्ये तयार करून त्यांना सरप्राइज द्या. अथवा त्यांच्या आवडत्या हॉटेलमधून स्वादिष्ट पदार्थ ऑर्डर करा. ते नक्कीच खूप खूश होतील.

वडिलांच्या आरोग्याची काळजी घ्या

आई-वडिलांच्या आरोग्याची काळजी घेणे ही मुलांची जबाबदारी आहे. बाबांना एखाद्या छोट्या किंवा गंभीर आजाराची समस्या असेल तर त्यांच्या औषधोपचाराची योग्य काळजी घ्यावी. त्यांना योगासने, छोटेमोठे व्यायाम प्रकार शिकवा. वडिलांना वेळोवेळी औषधे देणे, त्यांची मदत करणं. डॉक्टरांकडे नेऊन त्यांच्या आरोग्याची माहिती जाणून घेणे इत्यादी गोष्टीही कटाक्षाने कराव्यात. यामुळे वडिलांनाही समजेल की तुम्ही त्यांची मनापासून काळजी करत आहात.

​वडिलांच्या भावनांचा आदर करा

काही मुलांना विचार करून बोलण्याची सवय नसते. यामुळे कळत नकळत तुम्ही आपल्या वडिलांचं मन दुखावत आहात, हे लक्षात घ्या. तुमच्या कटु शब्दांमुळे वडिलांना गंभीर मानसिक त्रास होण्याची शक्यता असते. हे नुकसान टाळण्यासाठी वडिलांसोबत मोकळेपणाने आणि प्रेमाने संवाद साधा. त्यांना तुमचे म्हणणे शांतपणे समजावून सांगण्याचा प्रयत्न करा.

विश्रांतीची आवश्यकता

आयुष्यात तुम्हाला जशी विश्रांतीची आवश्यकता असते, त्याच प्रमाणे वडिलांनाही आरामाची गरज असते, हे प्रत्येकाने लक्षात घ्यायला हवे. रोजच्या धकाधकीच्या जीवनातून थोडीशी विश्रांत घेण्यासाठी बाबा व कुटुंबीयांसोबत शहराबाहेर फिरायला जा. निसर्ग आणि कुटुंबीयांच्या सहवासात राहा. यासाठी देशात-परदेशात जाण्याची आवश्यकता नाही, शक्य असेल तर शहरापासून काही अंतर दूर अथवा आपल्या गावाला भेट देण्याचा कार्यक्रम आखा. यानिमित्ताने बाबांसह तुम्हा सर्वांनाच मानसिक शांतता लाभेल.

वडिलांच्याही आवडीनिवडी जपा