यासह लोक घरच्या घरी वेगवेगळ्या प्रकारचे घरगुती उपाय करत आहेत. असाच एक उपाय सांगत आहेत सुप्रसिद्ध वेलनेस कोच ल्यूक कॉटिन्हो (Luke Coutinho). ल्यूक यांनी अशीच एका हर्बल चहाची रेसिपी इंस्टाग्रामवर शेअर केली आहे. जो चहा फुफ्फुसे मजबूत करेल छातीतील कफ साफ करण्याचे काम देखील करेल. चला तर जाणून घेऊया या हर्बल चहामध्ये नक्की असं काय खास आहे आणि हा चहा कसा बनविला जातो?
चहा बनवण्याची सामग्री
- 1 इंच किसलेले किंवा बारीक केलेले आले
- 1 लहान दालचिनीचा तुकडा
- १/२ चमचा तुळशीची पाने
- 1 चमचा ओरेगॅनो
- 3 काळी मिरी
- २ वाटलेल्या वेलच्या
- एक चतुर्थांश चमचा बडीशेप
- थोडासा ओवा
- १ चमचा जिरे
कसा बनवावा हर्बल चहा?
हा हर्बल चहा बनविण्यासाठी सर्वप्रथम आपल्याला फ्राय पॅन घेणे आवश्यक आहे. त्यात एक मोठा ग्लास पाणी घाला आणि वर नमूद केलेल्या प्रमाणातच सर्व साहित्य पाण्यात घाला. आता पॅनमध्ये असलेले पाणी अर्धे होईपर्यंत उकळू द्या. त्यानंतर हे पाणी गाळून घ्या व त्याचे सेवन करा. चांगल्या परिणामांसाठी आपण दिवसातून दोन वेळा हा चहा पिऊ शकता. या चहामध्ये वापरलेल्या सामग्रीचा आपण दोनदा वापर करू शकतो. या चहाचे अधिक आरोग्यदायी फायदे मिळवण्यासाठी तुम्ही प्रथम प्राणायाम आणि श्वासोच्छ्वास किंवा दीर्घ श्वास घेण्याची एक्सरसाइज करावी. त्यानंतर हा चहा प्या. याचा तुम्हाला अधिक फायदा होईल.
इंस्टाग्राम पोस्टमधून ल्यूक कॉटिन्होने सांगितली Herbal Tea बनवण्याची पद्धत!
चहाच्या सामग्रीमध्ये लपलंय हे हेल्थ सिक्रेट
या चहा मध्ये घातलेल्या सामग्रीवर कदाचित तुम्ही लक्ष केंद्रित केले असलेच. चहामध्ये वापरले गेलेले सर्व पदार्थ आपल्या स्वयंपाकघरात अगदी सहज उपलब्ध असतात. हे सर्व मसाले केवळ अन्नास चव देत नाहीत. तर त्यांचे फायदे आयुर्वेदातही सांगितले गेले आहेत. आले, दालचिनी, मिरपूड, जिरे व ओव्यामध्ये अँटी-ऑक्सिडंट, अँटी-बॅक्टेरियल आणि अँटी-इंफ्लेमेटरी गुणधर्म असतात. या मसाल्यांचे हे गुणधर्म आपल्याला बरेच फायदे देतात, त्यातील गुणधर्मांमुळे कफपासून आराम मिळतो. अशा परिस्थितीत कोरोना व्हायरस दरम्यान या हर्बल चहाचे सेवन केल्यास आपल्या फुफ्फुसात तयार होणारा कफ कमी करण्याचे कार्य करु शकते.
चहा पिताना घ्या ही काळजी
जरी ही हर्बल चहा अनेक आरोग्यदायी व औषधी घटकांसोबत तयार केली गेली आहे पण बर्‍याच बाबतीत हे आपल्याला नुकसान देखील पोहचवू शकते. म्हणूनच हा चहा पिण्यापूर्वी गर्भवती महिला आणि स्तनपान करणार्‍या मातांनी डॉक्टरांचा सल्ला अवश्य घ्यावा. याशिवाय आपण या हर्बल चहाचे सेवन करत असाल तर जास्तीत जास्त प्रमाणात पाण्याचे सेवन केले पाहिजे हे लक्षात ठेवा. यामुळे आपल्या शरीरातील विषारी द्रव घटक बाहेर फेकले जातील.