गरोदरपणाच्या काळात सहसा प्रत्येक स्त्रीचे वजन वाढतेच आणि गरोदरपणाच्या नऊ महिन्यांमध्ये त्यांच्या डोक्यात कुठे ना कुठे हा विचार सुरु असतो की लवकरात लवकर डिलिव्हरी होऊ दे जेणेकरून त्या पुन्हा आपल्या वेट लॉसचे रुटीन सुरु करू शकतात. तर काही स्त्रिया अशा देखील असतात ज्या आपल्या गरोदरपणाच्या वेट बाबत खूप टेन्शन मध्ये असतात, पण हे गरजेचे नाही की गरोदरपणामध्ये प्रत्येक स्त्रीचे वजन वाढेलच किंवा ते वजन वाढलेलेच राहील, शिवाय नवजात बाळाची काळजी घेता घेता वेट लॉस करणे अजून कठीण होऊन बसते.

पण बॉडी शेप मध्ये आणण्यासाठी मेहनत ही करावीच लागते. मात्र अनेकदा हजारो प्रयत्न करून आणि असंख्य उपाय करून देखील वजन कमी होत नाही तेव्हा मात्र कळत नाही की चूक नक्की कुठे होते आहे. जर तुम्ही देखील या चिंतेत असाल तर आज या लेखातून जाणून घ्या नक्की काय चुकी तुमच्याकडून होते आहे.

शरीर पूर्णपणे बरे झालेले नसणे

गरोदरपणात अनेक स्त्रियांचे वजन वाढते आणि डिलिव्हरी नंतर व्यायाम करण्यासाठी खूप कमी वेळ उरतो. एवढेच काय तर नीट झोप देखील मिळत नसते आणि तुमचे शरीर गरोदरपणा आणि डिलिव्हरी मधून हळूहळू हिल होत असते. अनेक स्त्रियांना वाटते की स्वत:वर लक्ष देण्यासाठी त्यांच्याकडे टाईम आणि सपोर्ट नाही आहे, तरी देखील बाळाची काळजी घेण्याच्या नादामध्ये त्या आपल्या डाएट कडे देखील दुर्लक्ष करून बसतात. अशावेळी वजन कमी करणे मुश्कील होऊन जाते.

चुकीचा किंवा कमी आहार

तुम्हाला वाटत असेल की वजन कमी करण्यासाठी कॅलरीज कमी घेतल्या पाहिजेत पण हि गोष्ट पूर्णपणे खरी नाही. या स्थितीत तुमचे मेटाबॉलीज्म पहिल्यासारखे नसते आणि वजन वाढल्याने अजून कमकुवत होत जाते. कमी खाण्याचा अर्थ हा नाही आहे की तुमचे वजन यामुळे कमी होईल किंवा नियंत्रणात राहील. जर तुम्ही योग्य प्रकारे अन्न घेतले नाही तर तुमचे शरीर फॅट स्टोर करू लागेल. हे होऊ द्यायचे नसेल तर संतुलित आहार घ्या आणि तळलेले-भाजलेले किंवा पाकीटबंद अन्न पदार्थ यांचे सेवन कमीत कमी करा.

पाण्याची कमतरता

वेट लॉस मध्ये डिहायड्रेशन एक मोठी समस्या असते आणि अनेक स्त्रिया दिवसाला पुरेश्या प्रमाणात पाणी देखील पीत नाहीत, तुम्हाला डिलिव्हरी नंतरच नाही तर नॉर्मली सुद्धा खूप पाणी पिण्याची सवय लावून घ्यायला हवी. सोबतच द्रव पदार्थ सुद्धा जास्तीत जास्त सेवन करावेत. हायड्रेट राहून तुम्ही ओव्हरइटिंग पासून स्वत:ला वाचवू शकता. यामुळे तुमच्या शरीराला योग्य प्रकारे काम करण्यास मदत मिळेल जसे की मेटाबॉलीज्म योग्य राहील आणि उर्जा टिकून राहील तसेच मूड देखील खराब होणार नाही. तसेच पुरेश्या प्रमाणात पाणी प्यायल्याने फॅट कमी करण्यास सुद्धा मदत मिळेल आणि बॉडी मध्ये फॅट स्टोर सुद्धा राहणार नाही.

थकवा आणि स्ट्रेस

डिलिव्हरी नंतर काही काळ शरीरात थकवा कायम राहतो आणि मग बाळाच्या देखभाल करताना सुद्धा हा थकवा जाण्याचे नाव घेत नाही. बाळाची काळजी आणि घरची जबाबदारी यामुळे स्त्रिया तणावात राहतात आणि झोप देखील पूर्ण होऊ शकत नाही, या दोन्ही कारणांमुळे वजन कमी करण्यात समस्या निर्माण होते. झोप कमी मिळत असल्याने कोर्टिसोल नावाचे एक हार्मोन तयार होते ज्याचा प्रभाव मेटाबॉलीज्म वर पडतो. दरोरोज रात्री पाच तासांपेक्षा कमी झोप मिळत असल्याने स्त्रियांचे वजन 32% वजन वाढण्याचा धोका असतो.

डिलिव्हरीनंतर वजन कधी कमी करावे?

हि सर्वात महत्त्वाची गोष्ट आहे ज्याकडे गरोदर स्त्रीने लक्ष दिले पाहिजे. डिलिव्हरी नंतर लगेचच वजन कमी करण्यास सुरुवात करण्यासाठी स्त्रीचे शरीर सक्षम नसते. शरीराला सुरळीत होण्यासाठी काही वेळ द्यावा लागतो. शरीर सामान्य झाले की मग वजन कमी करण्यासाठी मेहनत घेतली जाऊ शकते. कोणत्याही स्त्रीने डिलिव्हरी नंतर किमान 3 ते 6 महिने आराम हा केलाच पाहिजे आणि बाळाकडेही विशेष लक्ष दिले पाहिजे. अनेक स्त्रियांचे अर्धे अधिक वजन 6 आठवड्यांच्या आतच कमी होते. याचे मुख्य कारण स्तनपान सांगितले जाते.