तिला आयुर्वेदाचे ज्ञान आहे आणि त्याचा वापर ती आपल्या कुटुंबाच्या सुरक्षेसाठी आणि आरोग्य सुदृढ रहावे म्हणून करते. आज आपण या लेखातून तिनेच सांगितलेले असे काही घरगुती उपाय जाणून घेऊया जे तुमच्या देखील खूप कामी येऊ शकतात. हे सर्व उपाय घरातील साध्या घरगुती वस्तूंपासूनच करता येतात हे विशेष!
कच्चे दूध
कच्चे दूध हे त्वचेच्या कित्येक समस्यांना एकत्र दूर करू शकते. शिवाय हे दूध त्वचेवर लावल्याने त्वचेचा रंग सुद्धा खुलतो. जर तुम्ही पुढील पैकी कोणत्याही एका समस्येने वा अनेक समस्यांनी त्रस्त असाल तर स्कीन वर कच्चे दूध अवश्य लावा. स्किन ड्राईनेस, स्किन डलनेस, सनटॅनिंग, स्किन डिहाइड्रेशन, त्वचेतील असमान रंग इत्यादी. या सर्व समस्यांवर कच्चे दूध खूप गुणकारी आहे, या समस्यांपासून बचाव म्हणून एका भांड्यात 3 ते 4 चमचे कच्चे दूध घ्या आणि कापसाचा बोळा त्यात बुडवून त्वचेवर लावा.
एकावर एक थर कसे लावावे
त्वचेवर दुध लावल्यानंतर जेव्हा पहिला कोट सुकेल तेव्हा दुसरा कोट लावा. असे तो पर्यंत करावे जो पर्यंत भांड्यात तुम्ही घेतलेले दुध पूर्णपणे चेहऱ्यावर लावून होत नाही, मीरा राजपूतने कच्च्या दुधाचा सांगितलेला हा लाभदायी वापर त्वचेमध्ये नवीन ग्लो निर्माण करेल आणि तुमच्या त्वचेला ड्रायनेस पासून देखील मुक्त करेल. अनेक जाणकार सुद्धा हा उपाय अगदी रामबाण असल्याचे सांगतात. तर मैत्रिणींनो एकदा नक्की ट्राय करून पहा, तुम्हाला फरक जाणवेल.
वाळलेले गुलाबही घालवत नाही वाया
मीरा राजपूतने आपल्या गार्डन मध्ये गुलाबाची झाडे लावली आहेत, यावर येणाऱ्या गुलाबाची फुले कधी कधी वाळतात, मात्र मीरा कधीच असे वाळलेले गुलाब फेकून देत नाही तर त्याचा वापर करून त्यांपासून गुलकंद तयार करते, जे त्वचा आणि आरोग्य दोन्हींसाठी पौष्टिक असते, गुलकंद बनवण्यासाठी खडीसाखर, गुलाबाच्या पाकळ्या आणि हिरवी वेलची आणि सोबत मधाचा वापर केला जातो. या सर्व गोष्टी खाल्ल्याने त्वचेला आतून पोषण मिळते. त्वचेच्या पेशींची रिकव्हर स्पीड वाढते. ज्यामुळे स्कीन नेहमी ब्राईट आणि ग्लोइंग दिसते. तर तुम्हाला देखील सुंदर आणि निरोगी राहायचे असेल तर गुलकंद नक्की खा.
स्कीन ब्रेकआउट्सवर उपाय
मीरा राजपूत स्कीन वर निर्माण होणाऱ्या समस्या जसे की पिंपल, ऐक्ने, वाईटहेड्स किंवा ब्लॅकहेड्स पासून बचाव म्हणून मध आणि हळदीचे मिश्रण त्वचेवर लावणे पसंत करते. मध आणि हळद मिळून त्वचेवर लावल्याने त्वचा ब्राईट होते, तुम्ही अर्धा म्ध चमचा मध आणि दोन चिमुटभर हळद घ्या आणि ते मिक्स करून तुमच्या चेहऱ्यावर आणि मानेवर लावा. यानंतर 25 मिनिटांनी ताज्या पाण्याने धुवून त्वचा स्वच्छ करा. आठवड्यातून 3 वेळा या फेस पॅकचा वापर केल्याने तुमची त्वचा ग्लोइंग राहण्यास मदत होईल.
केसांची शाईन आणि ग्रोथ वाढवण्यासाठी
मीरा राजपूतचे केस खूप सिल्की आणि शाईनी आहेत. आपल्या या केसांची नैसर्गिक सुंदरता कायम ठेवण्यासाठी मीरा जास्वंदीचे फुल आणि त्याची पाने तसेच अनेक वेगळ्या औषधी वनस्पती मिक्स करते, जास्वंदीचे फुल आणि पाने यांपासून मीरा हेअर मास्क कसा बनवते ते आपण जाणून घेऊ. सर्वात आधी 7 ते 8 जास्वंदीची पाने घ्या. 2 जास्वंदीची फुले घ्या. 1 कप नारळाचे तेल घ्या. 12 ते 15 कडीपत्ता घ्या. 1 चमचा आवळा पावडर घ्या. 1 चमचा मेथीदाना घ्या, थोडीशी ब्राम्ही आणि अर्धा चमचा कडूनिंबाची पावडर घ्या.
या पद्धतीने करते घरगुती तेल तयार
वरील सर्व साहित्य गोळा झाले की सर्वात आधी मंद आचेवर नारळाचे तेल गरम करण्यास ठेवा. जेव्हा तेल गरम होईल तेव्हा त्यात एक एक करून या सर्व गोष्टी टाका आणि नीट मिक्स करा. यानंतर 3 ते 4 मिनिटे तेल उकळू द्या आणि गॅस बंद करून तेल थंड होण्यासाठी ठेवा. तेल थंड झाल्यावरच यात ब्राम्ही टाकावी असे मीरा सांगते आणि मग हे तेल केसांवर लावून मालिश करावी. ज्या स्त्रियांचे केस सिल्की आणि शाईनी नाहीत त्यांनी आवर्जून हा उपाय करावा आणि अगदी काही दिवसांतच त्यांना फरक नक्की दिसून येईल.
फ्लॉलेस स्किनसाठी तुळशीच्या पानांचा वापर
जेव्हा जेव्हा त्वचेवर लालसरपणा येतो किंवा मुरुमांचा त्रास होतो तेव्हा ही समस्या दूर करण्यासाठी मीरा तुळशीच्या पानांचा वापर करते. जर आपल्याला दररोज या प्रकारच्या समस्येचा सामना करावा लागत असेल तर या पद्धतीचा अवलंब करा.
2 ते 3 तुळशीची पाने
2 थेंब गुलाबपाणी
गुलाबाच्या पाण्यासोबत तुळशीची पाने बारीक किंवा मॅश करा. तयार पेस्ट मुरुमांवर लावा. तुळशीत अँटी-इंफ्लेमेटरी आणि अँटी-फंगल गुणधर्म असतात. त्यामुळे ही पाने नैसर्गिकरित्या आपल्या समस्येचे निराकरण करतात.
नवीन उगवणा-या केसांची काळजी
बेबी हेअर म्हणजे डोक्यावर वाढणारे नवीन केस असतात. हे बेबी हेअर हेअर स्टाइलिंग दरम्यान अनेकदा फिनिशिंग आणण्यात अडचणी निर्माण करतात. पण आपण त्यांना घट्ट बांधू शकत नाही. म्हणूनच मीरा राजपूत तिचे केस व्यवस्थित सेट करण्यासाठी अळशीच्या बियांचे हेअर जेल वापरते आणि त्याचवेळी या केसांच्या आरोग्याची काळजीही घेते. जे ती स्वत: घरच्या घरी तयार करते.
केसांची चमक वाढवण्यासाठी
अळशीच्या बियांचे जेल बनवण्यासाठी मीरा अर्धा बाटली पाण्यात अळशीच्या बिया उकळवून घेते. सुमारे ५ ते १० मिनिटे मंद आचेवर शिजवल्यानंतर हे पाणी गाळून घेते. कारण थंड झाल्यानंतर हे पाणी जेलचे स्वरूप धारण करते म्हणजेच घट्ट होते आणि नंतर ते गाळणे अवघड असते. केस बांधताना मीरा रेडीमेड जेलसह तिचे बेबी हेअर व्यवस्थित सेट करते. तसेच हे जेल केस धुताना देखील वापरते. ज्यामुळे केसांना संपूर्ण पोषण मिळते आणि त्यांची वाढ वेगाने होते.