[ad_1]
सकाच्या वेळी धावपळ असेल तर व्हाइट ब्रेड आणि बटर खाऊन नाश्ता करतात. पण यामुळे शरीरावर होणारे गंभीर परिणाम कदाचित तुम्हाला माहित नसतील. व्हाइट ब्रेडचे नियमित सेवन केल्यामुळे तुम्ही अनेक आजारांना निमंत्रण देत असता. याचा गंभीर परिणाम तुमच्या शरीरावर होऊ शकतो. यामुळे अनेक आजार देखील उद्भवतात. जर तुम्ही नियमित या ब्रेडचं सेवन करत असाल तर वेळीच ही सवय सोडणं गरजेचं आहे. व्हाइट ब्रेडचं सेवन का करू नये? हेच आम्ही तुम्हाला या लेखाच्या आधारे सांगणार आहोत.
ब्रेड कसा तयार होतो?
पांढरा ब्रेड तयार करण्यासाठी गव्हाच्या पिठाचाच वापर केला जातो. पण ब्रेड बवण्यासाठी खूप महिने गव्हाचं पीठ ठेवलं जातं. ब्रेड बनवण्याची प्रक्रिया सुरु असताना व्हिटॅमिन, पोषक घटक यामधून नाहीसे होतात. अधिक काळ ब्रेड टिकून राहावा म्हणून पोषक घटक यामधून वेगळे केले जातात. यामुळे अशा पदार्थांचं नियमित सेवन केल्यामुळे शरीराला भरपूर नुकसान पोहोचण्याची शक्यता असते. मात्र बहुतांश लोक पांढरा ब्रेडच आवडीने खातात. पण वेळीच ही सवय सोडणं तुमच्यासाठी आणि तुमच्या शरीरासाठी फायेदशीर ठरू शकतं.
(‘ही’ सात फळं खाल्ल्याने पावसाळ्यात तुम्ही पडणार नाही आजारी, रोगप्रतिकारक शक्तीही होईल दुप्पट)
पांढऱ्या ब्रेडचे परिणाम
हा ब्रेड तयार करत असताना यामधून सगळेच पोषक घटक काढून टाकण्यात येतात. बराच काळ ब्रेड खराब होऊ नये म्हणून ही प्रक्रिया केली जाते. त्याचबरोबर पोटॅशिअम ब्रोमेट, क्लोरीन डायऑक्साइड सारख्याा गॅस रसायनांचा यामध्ये वापर केला जातो. याचा पिवळा रंग नाहीसा व्हावा म्हणून ही पद्धत वापरली जाते. याचा गंभीर परिणाम शरीरावर होऊ शकतो. तुम्ही याचे नियमित सेवन करत असाल तर मधुमेह, हृदय विकार, वजन वाढणे अशा अनेक समस्यांचा सामना तुम्हाला करावा लागू शकतो.
पांढऱ्या ब्रेडमुळे वजन वाढतं का?
पांढऱ्या ब्रेडचे सेवन केल्यामुळे खरंच वजन वाढतं का? असा प्रश्न नक्कीच तुमच्या मनात आला असेल. तर याचं उत्तर हो असे आहे. या ब्रेडचे नियमित सेवन केल्यामुळे वजन वाढतं. कारण ब्रेड तयार करण्यासाठी रसायने, साखरेचा वापर केला जातो. यामुळे तुमचं वजन वाढतं. तसेच ब्रेडमध्ये समाविष्ट असलेल्या ग्लायसेमिक इंडेक्समुळे रक्तातील साखर वाढू शकते. तसेच या ब्रेडचे सेवन केल्यामुळे बद्धकोष्ठता, पोट फुगणे यासारख्या समस्या देखील निर्माण होतात.
फायबरचं प्रमाण
निरोगी शरीरासाठी आपण कोणत्या खाद्यपदार्थांचं सेवन केलं पाहिजे या गोष्टीकडे बरेच जणं दुर्लक्ष करतात. पोषक घटकांचा समावेश असलेले पदार्थ खाण्याकडे तुमचा अधिक कल असणं गरजेचं आहे. पांढरा ब्रेड तर हाय स्टार्च उत्पादन आहे. यामध्ये देखील फायबरचा समावेश नसतो. यामुळे अनेक आजार उद्भवतात. पांढरा ब्रेड म्हणजे पोटांच्या आजारांना निमंत्रण. पोट दुखी, पोट फुगणं अशा अनेक समस्यांचा यामुळे सामना करावा लागतो. वेळीच याचे सेवन थांबवलं नाही तर दिवसेंदिवस ही समस्या वाढत जाते.
हृदय विकार, मधुमेह होतो का?
या ब्रेडमुळे शरीराला कोणत्याच पोषक घटकांचा पुरवठा होत नाही. तसेच यामध्ये साखरेचे प्रमाण अधिक असते. नियमित याचे सेवन केल्यामुळे रक्तातील साखरेचे प्रमाण वाढण्याची शक्यता नाकारली जाऊ शकत नाही. शिवाय तुम्हाला मधुमेह असेल आणि तुम्ही याचे सेवन करत असाल तर तुमच्यासाठी हे अधिक धोकादायक ठरू शकतं. तसेच यामुळे हृदय विकार होण्याची देखील शक्यता असते. या गंभीर आजारांपासून लांब राहायचं असेल तर वेळीच ब्रेडचे सेवन करणं टाळा.
पांढऱ्या ब्रेडला पर्याय
नाश्तामध्ये तुम्हाला पांढऱ्या ब्रेडला पर्याय हवा असेल तर तुम्ही इतर हेल्दी खाद्यपदार्थांचा नाश्तामध्ये समावेश करू शकता. पांढऱ्या ब्रेड ऐवजी तुम्ही ब्राउन ब्रेड किंवा होल ग्रेन ब्रेडचा समावेश नाश्तामध्ये करू शकता. होल ग्रेन ब्रेडमध्ये व्हिटॅमिन, प्रोटिन, अँटिऑक्सिडंटचे प्रमाण अधिक असते. तसेच ब्राउन ब्रेडमध्ये मॅग्नेशिअम, लोह सारख्या पोषक घटकांचा समावेश असतो. यामुळे तुम्हा हृदय रोग, वजन वाढणे, मधुमेहसारख्या आजारांपासून तुम्ही दूर राहू शकता.
(Quick weight loss: तरुणीने जेवणातून ‘हा’ पदार्थ बाद करून फक्त २ महिन्यांत घटवलं तब्बल 16 Kg वजन!)
[ad_2]
Source link