[ad_1]
पण काळानुसार अभिनेत्रीने निरोगी सवयींचा अवलंब केला आणि काही इंचाने का होईना पण वजन जलद गतीने कमी करण्यात ती यशस्वी झाली. समीराने तिची फिटनेस जर्नी आणि नवीन फिटनेस रुटीन इन्स्टाग्रामवर शेअर केलं आहे, जेणेकरून अनेक प्रयत्न करूनही ज्यांचा लठ्ठपणा कमी होत नाही अशा व्यक्ती ते फॉलो करू शकतात. चला तर जाणून घेऊया समीरा वजन कमी करण्यासाठी किती व काय मेहनत घेत आहे. (फोटो सौजन्य -इंडियाटाइम्स)
फिटनेससाठी योग गरजेचं
अभिनेत्रीच्या इंस्टाग्रामवरील पोस्ट केलेल्या फोटोंवरून दिसून येते की ती तिच्या फिटनेसबाबत खूप सतर्क आहे. समीरा म्हणाली की ती सतत मेहनत घेत आहे, त्याचा रिझल्टही तिला दिसू लागला आहे. परंतु अजूनही तिच्या पोटावर चरबी आहे, जी काही महिन्यांत कमी होईल. दिवाळीपर्यंत 75 किलो वजन कमी करण्याचे या अभिनेत्रीचे लक्ष्य आहे. तंदुरुस्तीसाठी समीरा योगाभ्यासाला खूप महत्त्वपूर्ण मानते. यासोबतच ती आठवड्यातून चार वेळा बॅडमिंटन खेळते, जेणेकरुन ती लठ्ठपणा कमी करता येईल. #fitnessfriday series च्या सुरूवाती बाबत ती म्हणाली की ही मालिका हार मानू नये आणि पुढे चालत राहावे याची सतत आठवण करून देण्याचं काम करते.
बॉडी पॉझिटिव्हिटी गरजेची
जर तुम्हाला खरोखरच वजन कमी करायचे असेल तर आपल्या शरीराबद्दल सकारात्मक असणे किती आवश्यक आहे हे आपण अभिनेत्रींकडून शिकू शकतो. इंस्टाग्रामवर समीराने लिहिले आहे की वाढत्या वयासोबत शरीरावर बॉडी स्ट्रेच मार्क्स, त्वचा सैल पडणे, पोटातील चरबी वाढणे स्वाभाविकच आहे. हे सत्य नाकारता येत नाही. प्रत्येकाने काळानुसार आपल्या शरीरात होणारे काही बदल स्वीकारायला हवेत. इतकी प्रसिद्ध अभिनेत्री असूनही समीरा आपल्या लठ्ठपणाबद्दल बोलण्यास मागेपुढे पाहत नाही किंवा लाज बाळगत नाही. याउलट वेळोवेळी आपल्या फॉलोअर्सना वजन कमी करण्यासाठी इंस्टाग्राम पोस्ट शेअर करून विविध वेट लॉस टिप्स देत असते.
(वाचा :- White Bread : पांढऱ्या ब्रेडमुळे कमकुवत होतंय तुमचं शरीर, ‘या’ गंभीर आजारांचा करावा लागेल सामना)
प्रेग्नेंसीमध्ये वजन वाढून 105 झालं होतं
समीराने बॉम्बे ऑफिशियल ह्युमन्स ऑफ बॉम्बेची एक पोस्ट रिपोस्ट केली होती. जिथे तिने आपली कहाणी सांगितली होती. त्यात तिने सांगितले की पहिल्या मुलाच्या जन्मानंतर तिचे वजन तब्बल 105 किलोपर्यंत वाढले होते आणि यामुळे ती पोस्टपार्टम डिप्रेशनची बळी पडली होती. वास्तविक हे दोन्ही हाताळणे एखाद्या आव्हानापेक्षा कमी नक्कीच नव्हते पण यावरही तिने अगदी धैर्याने मात केली.
(वाचा :- Quick weight loss: तरुणीने जेवणातून ‘हा’ पदार्थ बाद करून फक्त २ महिन्यांत घटवलं तब्बल 16 Kg वजन!)
समीरा रेड्डीचं थक्क करणारं ट्रान्सफॉर्मेशन!
आपल्या त्वचेवर भरभरून प्रेम करावे
अभिनेत्री आपल्या त्वचेबाबत खूपच रिलॅक्स असते. समीरा इतर महिलांना देखील स्वत:च्या त्वचेवर भरभरून प्रेम करण्याचा सल्ला देते. तिने प्रामाणिकपणे कबूल देखील केले आहे की यापूर्वी ती कधीच पूर्ण मेकअप केल्याशिवाय कोणालाही तिचे फोटो काढून देत नसत, पण आता मात्र समीराचा स्वत:कडे बघण्याचा दृष्टिकोन बदलला आहे. तिने आता स्वत:ला स्विकार केल्याने जशी त्वचा व रंग तिला लाभला आहे त्यावर ती प्रेम करते. शिवाय त्वचेची काळजी घेण्यासाठी देखील आटोकाट प्रयत्न करते.
बना स्वत:चे मोटिवेटर
स्वत:ला वयानुसार तंदुरुस्त ठेवण्यासाठी दुसर्‍याकडून प्रेरणा घेण्याची काहीही गरज नाहीये. त्याऐवजी आपण स्वतःच स्वत:चे प्रेरक बनले पाहिजे. #fitnessfriday series च्या पोस्टमध्ये समीराने लिहिले की जेव्हा माझे खरे शरीर आणि रियल फोटो पाहते तेव्हा मला खूप प्रेरणा मिळते. हे माझे सर्वात मोठे फिटनेस मोटिवेशन आहे. हे मला पूर्वीपेक्षा कठोर परिश्रम करण्यासाठी प्रेरित करते. सध्या समीरा कोणताही चित्रपट करत नाहीये पण ती इंस्टाग्रामवर खूप अ‍ॅक्टिव आहे. ती वेळोवेळी आपल्या फॉलोअर्सना फिटनेस आणि सकारात्मकतेची शिकवण देत राहते.
[ad_2]
Source link