Sunday, July 25, 2021
Homeमहाराष्ट्रmpsc student suicide: MPSCचा अभ्यास करणाऱ्या तरुणाची आत्महत्या; रोहित पवारांची सरकारला 'ही'...

mpsc student suicide: MPSCचा अभ्यास करणाऱ्या तरुणाची आत्महत्या; रोहित पवारांची सरकारला ‘ही’ विनंती – rohit pawar tweet on suicide of a young man studying for mpsc exam in pune


हायलाइट्स:

  • पुण्यात तरुणाने गळफास घेऊन आत्महत्या
  • परीक्षा होत नसल्याच्या नैराश्यातून उचललं टोकाचं पाऊल
  • रोहित पवारांनी राज्य सरकारला केली विनंती

पुणेः महाराष्ट्र लोकसेवा आयोगाच्या परीक्षेत उत्तीर्ण होऊनही नोकरी न मिळाल्यामुळं आणि आर्थिक परिस्थितीमुळं तरुणानं आत्महत्या केल्याची खळबळजनक घटना घडली आहे. या तरुणाच्या आत्महत्येमुळं हळहळ व्यक्त करण्यात येत असताना राष्ट्रवादी काँग्रेसचे आमदार रोहित पवार यांनीही एक ट्वीट केलं आहे.

स्वप्नील सुनील लोणकर असं आत्महत्या करणाऱ्या तरुणाचं नाव आहे. स्वप्नील शिक्षण पूर्ण झाल्यापासून ‘एमपीएससी’च्या परीक्षेची तयारी करत होता. स्वप्नीलच्या आत्महत्येनं त्याच्या आई-वडिलांना मानसिक धक्का बसला आहे. दरम्यान, रोहित पवार यांनीही या प्रकरणावर भाष्य केलं आहे. तसंच, राज्य सरकारला एक विनंती केली आहे.

रोहित पवारांनी एक ट्वीट केलं आहे. करोनामुळं स्थगित केलेली एमपीएससीची परीक्षा आणि प्रलंबित निकाल व नियुक्त्यांमुळं युवा पिढी नैराश्यात आहे. माझी राज्य सरकारला विनंती आहे की, आवश्यक ती सर्व दक्षता घेऊन ही परीक्षा त्वरित घेण्यात यावी आणि प्रलंबित नियुक्त्याही तातडीने देण्यात याव्यात, अशी मागणी रोहित पवार यांनी केली आहे.

वाचाः पुण्यात MPSC परीक्षेचा अभ्यास करणाऱ्या तरुणाची आत्महत्या; सुसाईड नोटही लिहिली!

स्वप्नीलसोबत नेमकं काय घडलं?

स्वप्नील एमपीएससीच्या २०१९ मध्ये झालेल्या पूर्व व मुख्य परीक्षेत उत्तीर्ण झाला होता. मात्र त्याची मुलाखत दीड वर्षांपासून झालेली नव्हती. त्याचबरोबर त्याने २०२० मध्येही एमपीएससीची परीक्षा दिली. त्यामध्ये पूर्व परीक्षा तो उत्तीर्ण झाला. करोनामुळे मुख्य परीक्षा झालेली नाही. या सगळ्या तणावातूनच त्याने आत्महत्या केल्याचे मृत्यूपूर्वी चिठ्ठीत लिहून ठेवले आहे. याप्रकरणी लोणीकाळभोर पोलिस अधिक तपास करत आहेत.

वाचाः आशिष शेलारांसोबत गुप्त भेट?; संजय राऊत स्पष्टचं बोलले



Source link

mpsc student suicide: MPSCचा अभ्यास करणाऱ्या तरुणाची आत्महत्या; रोहित पवारांची सरकारला 'ही' विनंती - rohit pawar tweet on suicide of a young man studying for mpsc exam in pune
Shasannama Newshttps://shasannama.in
Shasannama is the digital wing of the Shasannama News - Maharashtra leading media and communications group with its interests spanning across Print, Activations, Radio and Digital. Shasannama.com is the News and Current Affairs portal of the company, covering news from the states of Maharashtra
RELATED ARTICLES

LEAVE A REPLY

Please enter your comment!
Please enter your name here

Most Popular

Recent News