पुणे : शिवसेना आमदार संजय शिरसाट (Sanjay Shirsat) यांनी ठाकरे गटाच्या नेत्या सुषमा अंधारे यांच्याबद्दल अपशब्द वापरल्याचा आरोप करण्यात आलाय. याच आरोपांप्रकरणी ठाकरे गट आक्रमक झालाय. या प्रकरणी अंधारे यांनी संजय शिरसाट यांच्या विरोधात परळी पोलीस ठाण्यात जाऊन तक्रार केली. पण पोलिसांनी तक्रार दाखल करण्यास नकार दिल्याचं अंधारे यांनी सांगितलं. तर दुसरीकडे संजय शिरसाट यांनी केलेल्या वक्तव्याची दखल राज्य महिला आयोगाने घेतली आहे. राज्य महिला आयोगाने या प्रकरणी पोलिसांना कारवाईचे निर्देश दिले आहेत.