पुणे, 3 जून : किरकोळ वाद किती टोकाला जाऊ शकतात याचं उदाहरण पुण्यात (Pune Crime ) घडलेल्या एका दुर्दैवी घटनेतून समोर आलं आहे. पुण्यात एका मित्रानं दुसऱ्या मित्राला फावड्याच्या दांड्यानं एवढं (Friends Murder) मारलं की त्याचा मृत्यू झाला. दारुच्या नशेत झालेल्या वादातून त्यानं मित्राची हत्या केली. विशेष म्हणजे दुसऱ्या दिवशी हा तरुण स्वतः पोलिसांकडे गेला आणि त्यानं स्वतःचा गुन्हा कबूल केला.

(वाचा-‘आपला तुरुंगच बरा…’,पॅरोलवर घरी आलेल्या कैद्यांकडून जेलमध्ये जाण्याची मागणी)

राजेश सहानी आणि किशन वरपा हे दोघं मित्र होते. दोघांनाही दारुचं व्यसन असल्यामुळं अनेकदा दोघंजण एकत्र दारु प्यायचे. रविवारीदेखिल रमेश आणि किसन एकत्र दारु प्यायला गेले होते. दोघे एकत्र बसून दारु प्यायले. त्यानंतरही त्यांचं मन भरलं नाही म्हणून दोघं तिथून सिंहगड याठिकाणी गेले. तिथं जाऊनही ते दोघं दारु प्यायले. त्यानंतर ते परत आले. गरवारे महाविद्यालय याठिकाणी आल्यानंतर त्यांनी कंपाऊंडवरून आतमध्ये प्रवेश केला. त्यानंतर दुसऱ्या मजल्यावर जाऊन त्यांनी सोबत आणलेली दारु प्यायला सुरुवात केली.