Rajdhani Express derails: Konkan Railway: राजधानी एक्स्प्रेसचे इंजिन रुळावरून हटवले; कोकण रेल्वेची वाहतूक पुन्हा सुरू – konkan railway services disrupted as engine derails near ratnagiri

0
23


हायलाइट्स:

  • कोकण रेल्वे मार्गावर रत्नागिरी जवळच्या बोगद्यात अपघात
  • राजधानी एक्स्प्रेस सुपरफास्ट गाडीचे इंजिन रुळावरून घसरले
  • बोगद्यात दरड कोसळल्यानं झाला अपघात. कुणीही जखमी नाही

सिंधुदुर्ग:हजरत निजामुद्दीन-मडगाव राजधानी सुपरफास्ट स्पेशल गाडीच्या इंजिनाचे पुढील चाक रुळावरून घसरून कोकण रेल्वे मार्गावर अपघात झाला आहे. सुदैवानं या अपघातात कोणीही जखमी झालेलं नाही. इंजिन बाजूला करण्याचं काम पूर्ण झालं असून काही तास ठप्प झालेली वाहतूक पुन्हा सुरळीत झाली आहे. (Rajdhani Express Engine Derails)

रत्नागिरी जिल्ह्यातील उक्षी आणि भोके दरम्यान करबुडे बोगद्यामध्ये आज पहाटे सव्वा चार वाजण्याच्या सुमारास हा अपघात झाला. अपघातग्रस्त राजधानी एक्स्प्रेस गोव्याच्या दिशेनं निघाली होती. मुंबईपासून सुमारे ३२५ किलोमीटरवर असलेल्या करबुडे बोगद्यातील ट्रॅकवर दरड कोसळल्यानं इंजिनाचं पुढील चाक रुळावरून घसरलं.

वाचा: संपूर्ण राज्य आता तिसऱ्या टप्प्यात; काय बंद, काय सुरू राहणार?

अपघाताची माहिती मिळताच रेल्वेचे देखभाल दुरुस्ती वाहन व वैद्यकीय उपचारांची सुविधा असलेले वाहन रत्नागिरीहून घटनास्थळी दाखल झाले. अपघात बोगद्यात झाल्यामुळे कोकण रेल्वे मार्गावरील या भागातील वाहतूक काही काळ ठप्प झाली होती. इंजिन रुळावरून बाजूला करण्याचे काम पूर्ण झाल्यानं वाहतूक पुन्हा सुरू झाली आहे. नजीकच्या स्थानकावर थांबवण्यात आलेल्या गाड्याही मार्गस्थ झाल्या आहेत, अशी माहिती कोकण रेल्वेचे जनसंपर्क अधिकारी सचिन देसाई यांनी दिली.

वाचा: मुंबई लोकल सर्वांसाठी कधीपासून?; नव्या आदेशाने कोंडी वाढवली

रायगडमधील रोहा ते कर्नाटकातील मँगलोर दरम्यानच्या ७५६ किलोमीटर मार्गावर कोकण रेल्वे धावते. महाराष्ट्र, गोवा आणि कर्नाटक अशा तीन राज्यांतून गेलेल्या कोकण रेल्वेच्या मार्गावर अनेक नद्या, खोल दऱ्या आणि टेकड्या आहेत. त्यामुळं वाहतुकीच्या दृष्टीनं हा मार्ग अत्यंत आव्हानात्मक मानला जातो. दरवर्षी पावसाळ्याच्या दिवसात या मार्गावर अपघाताच्या छोट्या-मोठ्या घटना घडत असतात.



Source link