‘मी खूप चांगला बॉयफ्रेंड होतो’, जेव्हा ‘या’ अभिनेत्याचं करिना कपूरशी झालं होतं ब्रेकअप, नात्यात दुरावा आल्यावर लोकं बदलतात का?

0
14

मनाला सुखावणारं, आनंद देणारं प्रेम तुम्ही देखील तुमच्या आयुष्यामध्ये अनुभवलं असेल. प्रत्येकाच्या मते प्रेमाची व्याख्या ही निराळी असते. प्रेमासारख्या सुंदर नात्यामध्ये प्रत्येक क्षण आनंदाने, मनसोक्तपणे जगण्यात काही औरच मजा असते. पण त्याचबरोबरीने प्रेमामध्ये दुःख देखील सहन करावं लागतं. बऱ्याचदा तर काही कारणास्तव एकमेकांपासून दुरावलेल्या दोन व्यक्ती मानसिकरित्या पूर्णपणे खचून जातात. इतकंच नव्हे तर काही जणं आपल्या आवडत्या व्यक्तीपासून दुरावल्यानंतर पूर्ण बदलून जातात.

ब्रेकअपनंतर नात्याकडे बघण्याचा दृष्टीकोन देखील बदलतो असं देखील बऱ्याचदा बोललं जातं. असंच काहीसं एका सुप्रसिद्ध बॉलिवूड अभिनेत्याच्या बाबतीत घडलं होतं. अभिनेता शाहिद कपूर आणि अभिनेत्री करिना कपूर यांच्या रिलेशनशिपच्या चर्चांना त्यावेळी उधाण आलं होतं. करिनाच्या प्रेमात बुडालेला शाहिद ब्रेकअपनंतर पुरता खचून गेला होता. ब्रेकअपनंतर त्याने एका मुलाखतीदरम्यान रिलेशनशिपबाबत खुलेपणाने बोलणं पसंत केलं.
(फोटो सौजन्य – इंडिया टाइम्स)

​‘आता मला चांगला बॉयफ्रेंड बनायचं नाही’

‘मी खूप चांगला बॉयफ्रेंड होतो’, जेव्हा ‘या’ अभिनेत्याचं करिना कपूरशी झालं होतं ब्रेकअप, नात्यात दुरावा आल्यावर लोकं बदलतात का?

शाहिद कपूर आणि करिना कपूरच्या रिलेशनशिपबाबत साऱ्यांनाच ठाऊक आहे. २००४मध्ये सुरु झालेलं त्यांचं रिलेशनशिप काही कारणास्तव फिसकटलं. मात्र या ब्रेकअपमुळे शाहिद अगदी खचून गेला होता. ब्रेकअपनंतर एका मुलाखतीदरम्यान शाहिदने सांगितले की, ‘माझ्या ब्रेकअपसाठी मी स्वतःलाच जबाबदार ठरवतो. कारण मी खूप चांगला बॉयफ्रेंड होतो. मी जळपास साडे चार वर्ष रिलेशनशिपमध्ये होतो. मी या नात्यामध्ये खूप जास्त कमिटेड होतो. पण आता यापुढे चांगला बॉयफ्रेंड बनायचं नाही हे मी शिकलो आहे.’

​शाहिदचा बदलता दृष्टीकोन

‘मी खूप चांगला बॉयफ्रेंड होतो’, जेव्हा ‘या’ अभिनेत्याचं करिना कपूरशी झालं होतं ब्रेकअप, नात्यात दुरावा आल्यावर लोकं बदलतात का?

ब्रेकअपचा फटका बॉलिवूडच्या अनेक बिग स्टार्सना सहन करावा लागला. यामध्ये सलमान खान, ऐश्वर्या राय बच्चन अशी कितीतरी नावं आहेत. शाहिद देखील या परिस्थितीला सामोरं गेला आहे. बरीच कलाकार मंडळी त्यांच्या खाजगी आयुष्याबाबत बोलणं टाळतात. मात्र ब्रेकअपनंतर शाहिदने इतरांशी खुलेपणाने संवाद साधला. प्रेमळ नात्याकडे बघण्याचा त्याचा संपूर्ण दृष्टीकोनच ब्रेकअपमुळे बदलून गेला. पण हे फक्त सेलिब्रिटींंच्या बाबतीतच नव्हे तर अनेक तरुण मंडळींच्याबातीत देखील घडताना दिसतं.

​स्वतःला अधिक महत्त्व देणे

‘मी खूप चांगला बॉयफ्रेंड होतो’, जेव्हा ‘या’ अभिनेत्याचं करिना कपूरशी झालं होतं ब्रेकअप, नात्यात दुरावा आल्यावर लोकं बदलतात का?

जेव्हा एखादी व्यक्ती प्रेमात पडते तेव्हा ती आपल्या जोडीदारासाठी तसेच जोडीदाराच्या एका हास्यासाठी काही ना काही तरी करण्याचा प्रयत्न करत असते. मात्र आपली आवडती व्यक्ती आपल्यापासून दुरावते तेव्हा मनात त्या व्यक्तीविषयी द्वेष, तिरस्कार निर्माण होतो. बरेच जणं ब्रेकअपनंतर स्वतःकडे विशेष लक्ष देऊ लागतात. नात्यामध्ये दुरावा निर्माण झाल्यानंतर काही जणं मानसिकरित्या खचून जातात. पण यादरम्यान ते स्वतःला अधिकाधिक वेळ देतात. शिवाय स्वतःला खूश ठेवण्यासाठी काय करता येईल याकडेही विशेष लक्ष द्यायला लागतात.

​स्वावलंबी बनण्यासाठी मिळते प्रेरणा

‘मी खूप चांगला बॉयफ्रेंड होतो’, जेव्हा ‘या’ अभिनेत्याचं करिना कपूरशी झालं होतं ब्रेकअप, नात्यात दुरावा आल्यावर लोकं बदलतात का?

एकमेकांच्या प्रेमात आकंठ बुडालेल्या दोन व्यक्ती जेव्हा एकमेकांपासून दूर होतात तेव्हा त्यांना अनेक समस्यांचा देखील सामना करावा लागतो. प्रेमामध्ये आपण आपल्या जवळच्या व्यक्तीवर काही गोष्टींसाठी अवलंबून असतो. मात्र दोन व्यक्ती जेव्हा एकमेकांपासून दुरावतात तेव्हा चित्र काहीसं बदलेलं दिसतं. ब्रेकअपनंतर बरेच जणं आपल्या करिअरकडे अधिक लक्ष देऊ लागतात. तसेच यामधून स्वतःच काम स्वतः करायची प्रेरणा देखील त्यांना मिळते. खरं तर ब्रेकअप नंतरचा काळ हा प्रेमात आकंठ बुडालेल्या व्यक्तींसाठी फारच कठीण आणि त्रासदायक असतो.

​प्रॅक्टिकल विचार करण्याकडे अधिक भर

‘मी खूप चांगला बॉयफ्रेंड होतो’, जेव्हा ‘या’ अभिनेत्याचं करिना कपूरशी झालं होतं ब्रेकअप, नात्यात दुरावा आल्यावर लोकं बदलतात का?

प्रेमामध्ये दोन व्यक्ती एकमेकांसाठी बऱ्याच गोष्टींचा त्याग करतात. आपल्या जोडीदाराचा चेहरा सतत हसरा असावा, त्याला सुखात ठेवावं असं प्रत्येकाला वाटत असतं. मात्र ब्रेकअपनंतर सारं काही बदलतं. तुमच्यापैकी बऱ्याच जणांना बहुदा या परिस्थितीचा सामना करावा लागला असेल. एखादी आवडती व्यक्ती अचानक आपल्यापासून दूर गेल्यानंतर बरेच जणं प्रॅक्टिकल विचार करू लागतात. त्याग, प्रेम या गोष्टींवर त्यांचा असणारा विश्वास देखील कमी होतो. खरं तर प्रेमात भावनिक होणारी लोकं अचानक कठोर देखील वागू लागतात.

विचारसरणी बदलते

‘मी खूप चांगला बॉयफ्रेंड होतो’, जेव्हा ‘या’ अभिनेत्याचं करिना कपूरशी झालं होतं ब्रेकअप, नात्यात दुरावा आल्यावर लोकं बदलतात का?

ब्रेकअप झालेल्या व्यक्तीच्या तोंडून तुम्ही बऱ्याचदा ऐकलं असेल की, मी त्याच्यासाठी किंवा तिच्यासाठी काय काय नाही केलं, शेवटी ती किंवा तो मला सोडून गेला. हे सर्रास तुम्हाला ऐकायला मिळत असेल. ब्रेकअपनंतर आधीचं स्वतःचं वागणं लोकं चुकीचं म्हणत स्वतःला दोष देतात. पण स्वतःला दोष देणं चुकीचं आहे. काही जणांची तर विचार करण्याची पद्धतच बदलते. पुन्हा त्याच परिस्थितीचा सामना करावा लागू नये म्हणून प्रॅक्टिकल आणि वेगळा विचार करायला लोकं सुरुवात करतात.

Source link