India tour Sri lanka

कोलंबो : भारतीय संघ श्रीलंका दौऱ्यासाठी श्रीलंकेत पोहोचला असून दोन्ही संघ सध्या जोमात सराव करत आहेत. मात्र सामने सुरु होण्याआधीच श्रीलंका क्रिकेट बोर्डाने (Sri lanka Cricket Board) डावखुरा फलंदाज भनुका राजपक्षा (Bhanuka Rajapaksa) याला एक वर्षासाठी निलंबित केले आहे. तसेच 5000 अमेरिकन डॉलर्स म्हणजे 3.71 लाख भारतीय रुपये इतका दंड ठोठावल आहे. मात्र हे निलंबन दो वर्षांसाठी सस्पेंड करण्यात आल्याने भनुका त्वरीत निलंबित होणार नाही. त्यामुळे तो सध्या सरावादरम्यान संघासोबत आहे. तसेच निर्बंध लागू होण्यास काही वेळ असल्याने भारताविरुद्धच्या मालिकेत तो खेळण्याची शक्यताही वर्तवण्यात येत आहे. (Before India vs Sri Lanka Matches Sri Lanka Cricket Board Bans Cricketer Bhanuka Rajapaksa for Breaching Players Contract)

श्रीलंका क्रिकेट बोर्डाने ही कारवाई प्लेयर कॉन्ट्रेक्ट 2019-20 चे उल्लंघन केल्याबद्दल केली आहे. भनुका राजपक्षा याने मीडियासमोर बऱ्याच मुलाखतीत श्रीलंका क्रिकेट बोर्डाविरोधात प्रश्न उपस्थित केले. भनुका राजपक्षाने श्रीलंकन संघातून काढल्याबद्दल सार्वजनिक रूपात विरोध देखील दर्शविला होता. त्याच्या मते इंग्लंड दौऱ्यात त्याला संघात स्थान द्यायला हवं होतं. त्यानंतर संघाचे प्रशिक्षक मिकी आर्थर (Mickey Arthur) यांनी एका वृत्तपत्राला दिलेल्या माहितीत म्हटलं होतं की राजपक्षा फलंदाजी चांगली करतो पण क्षेत्ररक्षण त्याचं चांगल नसल्य़ाने आणि फिटनेसही ठिक नसल्याने त्याला खेळताना अडचणी येतात.

भनुका राजपक्षा (Bhanuka Rajpaksha)

असे पार पडतील भारत आणि श्रीलंका यांच्यातील सामने

भारत आणि श्रीलंका संघामध्ये तीन वनडे आणि तीन ट्वेन्टी-20 सामने खेळणार आहे. हे सर्व सामने कोलंबोमधील आर. प्रेमदासा आंतरराष्ट्रीय क्रिकेट स्टेडियमवर होणार आहेत. यात पहिला एकदिवसीय सामना 13 जुलै, दुसरा 16 जुलै आणि तिसरा 18 जुलैला खेळवला जाणार आहे. तर पहिला टी-20 सामना 21 जुलै, दुसरा 23 जुलै आणि तिसरा 25 जुलैला खेळवला जाईल.

(Before India vs Sri Lanka Matches Sri Lanka Cricket Board Bans Cricketer Bhanuka Rajapaksa for Breaching Players Contract)