Sunday, July 25, 2021
Homeमहाराष्ट्रपश्चिम महाराष्ट्रपोलीस आणि चोर आमनेसामने, एक चूक अन् चोरटे पळाले, LIVE VIDEO |...

पोलीस आणि चोर आमनेसामने, एक चूक अन् चोरटे पळाले, LIVE VIDEO | Pune

पुणे, 21 जून : पुणे (Pune) जिल्ह्यातील कामशेत पोलीस स्टेशनच्या (kamshet police station) हद्दीत चोर (Thief) आणि पोलिसांच्या पाठशिवणीचा खेळ पाहण्यास मिळाला. पोलिसांनी चोरांना गाठले, पण चोरांनी गाडी रिव्हर्स घेऊन घटनास्थळावरून सिने स्टाईल पळ काढला. पोलिसांच्या देखतच चोर पळून गेल्याचा प्रकार कॅमेऱ्यात कैद झाला आहे.

गेल्या महिन्याभरापासून कामशेत परिसरात अनेक चोरीच्या घटना घडत आहेत. त्यामुळे व्यापारी तसंच ग्रामस्थांमध्ये भीतीचे वातावरण आहे. ग्रामसुरक्षा दल तसंच पोलिसांच्या वतीने चोरांचा शोध घेण्यासाठी रात्री गस्त घालण्यात येते. पोलीस वाहनातून संपूर्ण कामशेत ग्रामीण भागात पेट्रोलिंग केले जात असते. रविवारी पहाटे तीन वाजण्याच्या सुमारास कामशेत बाजारपेठेजवळ असलेल्या दत्त कॉलनीच्या रस्त्यावर एक संशयास्पद चारचाकी वाहन उभे असून त्यातून पाच ते सहा जण काही शोधाशोध करत असल्याची माहिती स्थानिक नागरिकांनी पोलिसांना कळविली.

त्यानुसार, पोलिसांनी घटनास्थळावर दाखल होत संशयित वाहना पुढे  आपली गाडी आडवी लावली परंतु संशयित वाहनातील चालकाने तात्काळ वाहन रिव्हर्समध्ये घेऊन पोलिसांना चकवा देत घटनास्थळावरून पळ काढण्याचा प्रयत्न केला, त्यांना अडविण्यासाठी महिला पोलीस उपनिरीक्षकाने प्रयत्न केला असता त्यांना धक्का देऊन चोरटे घटनास्थळावरून पसार झाले.

ही संपूर्ण घटना जवळच असलेल्या एका सीसीटीव्ही कॅमेऱ्यात कैद झाली आहे. पोलिसांनी सरकारी वाहनातून चोरांचा पाठलाग करेपर्यंत अंधाराचा फायदा घेत चोरटे पसार झाले. पोलिसांकडून सोमाटणे, ऊर्से, तसेच वरसुली टोलनाक्यावर नाकाबंदी लावण्यात आली होती. परंतु, संशयास्पद वाहन तपासणी दरम्यान आढळून आले नाही. त्यामुळे आता पोलिसांच्या हातावर तुरी देउन पसार झालेल्या वाहन तसंच वाहनातील चोरांचा तपास कामशेत पोलीस करत आहे.

Source link

पोलीस आणि चोर आमनेसामने, एक चूक अन् चोरटे पळाले, LIVE VIDEO | Pune
Shasannama Newshttps://shasannama.in
Shasannama is the digital wing of the Shasannama News - Maharashtra leading media and communications group with its interests spanning across Print, Activations, Radio and Digital. Shasannama.com is the News and Current Affairs portal of the company, covering news from the states of Maharashtra
RELATED ARTICLES

LEAVE A REPLY

Please enter your comment!
Please enter your name here

Most Popular

Recent News