Sunday, July 25, 2021
Homeमनोरंजनघर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते...

घर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते ‘ही’ व्यक्ती, हिच आहे सासूची खरी ताकद

किंग खान शाहरुख बऱ्याच काळापासून चित्रपटांमधून गायब आहे. पण सोशल मीडियावर तो सतत सक्रिय असतो. आजही त्याचा बॉलिवूडमध्ये दबदबा कायम आहे. आपल्या अभिनयाच्या जोरावर साता समुद्रापलिकडे पोहोचलेल्या या अभिनेत्याचा राहता मन्नत बंगला देखील सतत चर्चेचा विषय ठरत असतो. इतकंच नव्हे तर शाहरुखची एक झलक पाहण्यासाठी त्याच्या घराबाहेर शेकडो चाहत्यांची गर्दी देखील जमते. शाहरुखची मुलं देखील त्याच्यामुळे प्रसिद्धीच्या झोतात आहेत.

तसेच त्याची पत्नी गौरी खान तिच्या क्षेत्रात अग्रेसर आहे. शाहरुख-गौरी दोघं मिळून एकत्र कुटुंब सांभाळतात. आपलं काम सांभाळत संपूर्ण कुटुंबाची, मुलांची जबाबदारी घेतात. मात्र बॉलिवूडवर अधिराज्य गाजवणाऱ्या किंग खानच्या घरामध्ये चक्क त्याच्या सासूचंच राज्य चालतं. आजही त्याची सासू शाहरुखच्या घरातील कारभार पाहते. दुसऱ्या शहरामध्ये राहून ती मन्नत बंगल्याचा रिमोट कंट्रोल सांभाळते. खरं तर गौरी खाननेच याबाबत एका मुलाखतीमध्ये खुलासा केला होता.
(फोटो सौजन्य – ट्विटर@gaurikhan)

गौरीने केला खुलासा

घर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते ‘ही’ व्यक्ती, हिच आहे सासूची खरी ताकद

गौरी खानची आई म्हणजेच शाहरुखची सासू मन्नत बंगल्याचा कारभार सांभाळत असल्याचं खुद्द गौरीनेच कबुल केलं होतं. तिने एका वृत्त वाहिनीला दिलेल्या मुलाखतीमध्ये म्हटलं होतं की, ‘माझी आई नेहमीच मन्नतमध्ये काम करणाऱ्या व्यक्तींशी फोनद्वारे किंवा व्हॉट्सएपद्वारे बोलत असते.घर स्वच्छ आहे की नाही, घरातील प्रत्येक गोष्ट व्यवस्थित रित्या होत आहे की नाही हे सतत ती त्यांच्याकडून जाणून घेत असते.’ म्हणजेच किंग खानच्या घरावर आजही सासूचा दबदबा कायम आहे. दिल्लीमध्ये राहून गौरीची आई हा सगळा कारभार सांभाळते.

(फोटो सौजन्य – इंडिया टाइम्स)

​काम करणाऱ्या स्त्रियांसाठी मोठी मदत

घर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते ‘ही’ व्यक्ती, हिच आहे सासूची खरी ताकद

कुटुंबातील प्रत्येक सदस्याबरोबर आपुलकी, प्रेमाने राहिलं की सारं काही सुखकर होतं. काम करणाऱ्या स्त्रियांना घरातील जबाबदाऱ्या सांभाळण्यासाठी मदतीचा हात हवा असतो. गौरीची आई यासाठी तिला मदत करते. हे खुद्द तिने देखील सांगितलं होतं. लग्न झाल्यानंतर आपल्या क्षेत्रात काम करत असताना स्त्रियांना घरच्या जबाबदाऱ्या देखील सांभाळाव्या लागतात. घर आणि काम दोन्ही जबाबदाऱ्या एकत्र सांभाळणं स्त्रियांसाठी कठीण होऊन बसतं. तसंच यामुळे त्यांना तणावात राहवं लागतं. अशावेळी घराकडे लक्ष देण्यासाठी आई किंवा सासू असेल तर हे काम हलक होऊन जातं. गौरी देखील आपल्या आईमुळे बिनधास्तपणे काम करू शकते.

(फोटो सौजन्य – ट्विटर, इन्स्टाग्राम @gaurikhan)

​सासूचं राज्य

घर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते ‘ही’ व्यक्ती, हिच आहे सासूची खरी ताकद

मुलीचं सासूशी किंवा मुलाचं त्याच्या सासूशी नातं काही वेगळंच असतं. मुली लग्न झाल्यानंतर प्रत्येक गोष्ट जुळवून घेण्याचा प्रयत्न करतात. आपल्या सासूशी आपुलकी, प्रेमाचं नातं तयार करण्याचा प्रयत्न करतात. मात्र एखादी गोष्ट पटली नाही की त्या खुलेपणाने सासूशी संवाद साधू शकतात. मात्र मुलांच्या बाबतीत काही वेगळं चित्र पाहायला मिळतं. मुलं आपल्या सासूशी तितकसं खुलेपणाने संवाद साधत नाहीत. किंवा एखादी गोष्ट पसंतीस पडली नाही की ती बोलून देखील दाखवत नाहीत. पण एखादी आई जेव्हा खऱ्या आयुष्यात सासूची भूमिका निभावत असते तेव्हा मात्र संपूर्ण घरावर तसेच घरातील प्रत्येक माणसावर तिचा अधिकार असतो.

(प्रतिकात्मक फोटो – istock by getty images)

​फक्त ‘हा’ उत्तर

घर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते ‘ही’ व्यक्ती, हिच आहे सासूची खरी ताकद

सासू जर काही बोलत असेल तर जावई फक्त हो की नाही असेच उत्तर देतो हे तुम्ही तुमच्या आजूबाजूला बऱ्याचदा पाहिलं असेल. किंवा तुम्ही स्वतः देखील ते अनुभवलं असेल. उदाहरण म्हणजे, एखाद्या सासूने आपल्या जावयाला रात्रीच्या जेवणासाठी आमंत्रण दिलं असेल तर तो मुलगा फक्त हो बोलून काहीही करून वेळेत आपल्या पत्नीच्या घरी पोहचतो. त्याशिवाय जर सासू प्रेमाने जेवण वाढत असेल तर पोट भरलेलं असून देखील त्यासाठी नाही बोलणं मुलांसाठी कठीण होऊन बसतं.

(प्रतिकात्मक फोटो – istock by getty images)

​प्रेम आणि सन्मानाचं नातं

घर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते ‘ही’ व्यक्ती, हिच आहे सासूची खरी ताकद

सासू आणि जावयाचं नातं जरी कमी बोलकं असलं तरी त्याच्यामध्ये प्रेम, आपुलकीची भावना असते. दोघंही एकमेकांचा आदर सन्मान करतात हे देखील तितकच खरं आहे. सासू आपल्या मुलीप्रमाणेच जावयाचे लाड करते. त्याच्यावर प्रेम करते. तसेच मुलं देखील सासूवर आईसारखी माया करतात. कोणत्याही नात्यामध्ये प्रेम, आदर, सन्मान असला की ते नातं दिर्घकाळ टिकून राहतं. तसेच नात्यामध्ये जवळीक सुद्ध वाढते.

(प्रतिकात्मक फोटो – istock by getty images)

Source link

घर शाहरुख खानचं राज्य मात्र सासूचं! आजही मन्नत बंगल्याचा ‘रिमोट कंट्रोल’ सांभाळते ‘ही’ व्यक्ती, हिच आहे सासूची खरी ताकद
Shasannama Newshttps://shasannama.in
Shasannama is the digital wing of the Shasannama News - Maharashtra leading media and communications group with its interests spanning across Print, Activations, Radio and Digital. Shasannama.com is the News and Current Affairs portal of the company, covering news from the states of Maharashtra
RELATED ARTICLES

LEAVE A REPLY

Please enter your comment!
Please enter your name here

Most Popular

Recent News