गेल्या वर्षीही लॉकडाउनमध्ये जेथे काही सेलिब्रिटी मंडळींचा केवळ पायजमा-टी-शर्ट किंवा नाईट सूटमधील लुक दिसला, तेथे मौनीने एकापेक्षा एक स्टायलिश ड्रेस परिधान करून हटके लुकमधील फोटो चाहत्यांसोबत शेअर केले. क्लासिक, ग्लॅमरस आणि ट्रेंडी ड्रेसिंग सेंसची समज असतानाही आपल्याला कोणता ड्रेस शोभून दिसेल किंवा दिसणार नाही? हे कपड्यांच्या निवडीबाबतचे गणित अभिनेत्रीकडून चुकत असल्याचंही बऱ्याचदा दिसतं. केवळ बोल्ड लुक मिळावा यासाठी मौनीने कधी-कधी चित्रविचित्र ड्रेस परिधान केल्याचंही पाहायला मिळालं आहे. असाच एक बोल्ड पॅटर्न ड्रेस परिधान करून ही अभिनेत्री एका कार्यक्रमामध्ये पोहोचली. यावेळेस तिचा हॉट अवतार पाहून चाहत्यांनी कौतुकाऐवजी थेट राग व्यक्त केला.
बोल्ड पॅटर्नमधील ड्रेस
मौनी रॉयने ‘स्टार स्क्रीन अवॉर्ड्स’साठी वजनदार फ्लोरलेंग्थ गाउन परिधान केला होता. मौनीने या कार्यक्रमासाठी लेबनानी प्रसिद्ध फॅशन डिझाइनर Robert Abi Nader ने डिझाइन केलेल्या फिट अँड फ्लेअर्ड गाउनची निवड केली होती. हे आउटफिट फार सुंदर होते, पण ड्रेसचे मटेरिअल फारच पारदर्शक होते. या ड्रेसमधील तिचे फोटो सोशल मीडियावर व्हायरल झाल्यानंतर नेटकऱ्यांनी तिला ट्रोल करण्यास सुरुवात केली. काही लोकांनी तिला ‘सर्जरी की दुकान’ तर काहींनी ‘कपडे व्यवस्थित परिधान करा’ असा सल्लाही दिला.
मौनीचं फॅशन फसलं
मौनीने फिट अँड फ्लेअर्ड पॅटर्नमधील गाउन परिधान केला होता. या ड्रेसमुळे मौनीला बोल्ड लुक मिळाला. पण तिचा हा अवतार चाहत्यांना अजिबातच आवडला नाही. गाउनमधील वरील भागाचे फॅब्रिक पारदर्शक होते. यामुळेच ड्रेसमध्ये शीयर लुकिंग आउटफिटला स्टायलिश लुक मिळावा, यासाठी त्वचेच्या रंगाशी मिळतेजुळते सी-थ्रू फॅब्रिक जोडण्यात आलं होतं.
मौनीने परिधान केलेल्या ड्रेसचे वैशिष्ट्य
मौनीने परिधान केलेला ड्रेस नीट पाहिल्यास तुमच्या लक्षात येईल की, आउटफिटची हेमलाइन फ्लोर स्वीपिंग स्टाइलमध्ये होती, ज्यामुळे ड्रेसला बॉलरूम लुक मिळालाय. ड्रेसचा घेर मोठा असल्याने अभिनेत्रीला चालणंही कठीण झालं होतं. इतकंच नव्हे तर तिला हा ड्रेस सांभाळणंही त्रासदायक ठरत असल्याचं दिसलं. गाउन सुंदर दिसावा यासाठी चमकदार रेशीमच्या धाग्यांपासून प्रिंट तयार करण्यात आलंय. तर लो-कट नेकलाइन डिझाइनमुळे आउटफिटला स्टायलिश लुक मिळालाय.
या कारणामुळे करण्यात आलं ट्रोल
आता तुम्ही असा विचार केला असावा की सर्व काही ठीक होते, तर मग मौनीला पाहून लोक का भडकले? डीप प्लंजिंग नेकलाइन असणारा ड्रेस अंगावरून खाली सरकू नये, यासाठी अभिनेत्रीने फॅशन टेप्सचा उपयोग केला होता. तसंच लुक अगदीच वाईट दिसू नये, यासाठी मौनीने स्किन थ्रू इनर देखील परिधान केलं होतं.
पण हे आउटफिट परिधान केल्यानंतर मौनीच्या चेहऱ्यावर अजिबातच आत्मविश्वास दिसत नव्हता. अशा पद्धतीचे ड्रेस परिधान करणं मुळीच सोपे नसते. पण बोल्ड पॅटर्नचे ड्रेस तुम्ही ग्रेसनं परिधान केल्यासच सुंदर दिसतात. पण मौनीच्या स्टायलिंगमध्ये असे काहीच पाहायला मिळालं नाही.
मेकअप आकर्षक पण डिझाइनर ड्रेसचं गणित फसलं
मौनीच्या डिझाइनर ड्रेसचं गणित फसल्यासारखंच दिसलं. पण तिनं केलेला मेकअप प्रचंड स्टायलिश होता. परफेक्ट लुक मिळावा यासाठी तिनं लाइट टोन मेकअपसह आपले गाल ब्लशरने हाइलाइट केले होते. यासह तिनं मिडल पार्टेड हेअरस्टाइल केली होती. दरम्यान मौनीच्या काही चाहत्यांना तिचा हा लुक खूप आवडला तर काही लोकांनी थेट नापसंतही दर्शवली.